Ephesios (Ephesians) 6 :: Latin Vulgate (VUL)

(Exo 20:12; Deu 5:16 )

Eph 6:1

Eph 6:1filii oboedite parentibus vestris in Domino hoc enim est iustum

Eph 6:2

Eph 6:2honora patrem tuum et matrem quod est mandatum primum in promissione

Eph 6:3

Eph 6:3ut bene sit tibi et sis longevus super terram

Eph 6:4

Eph 6:4et patres nolite ad iracundiam provocare filios vestros sed educate illos in disciplina et correptione Domini

Eph 6:5

Eph 6:5servi oboedite dominis carnalibus cum timore et tremore in simplicitate cordis vestri sicut Christo

Eph 6:6

Eph 6:6non ad oculum servientes quasi hominibus placentes sed ut servi Christi facientes voluntatem Dei ex animo

Eph 6:7

Eph 6:7cum bona voluntate servientes sicut Domino et non hominibus

Eph 6:8

Eph 6:8scientes quoniam unusquisque quodcumque fecerit bonum hoc percipiet a Domino sive servus sive liber

Eph 6:9

Eph 6:9et domini eadem facite illis remittentes minas scientes quia et illorum et vester Dominus est in caelis et personarum acceptio non est apud eum

Eph 6:10

Eph 6:10de cetero fratres confortamini in Domino et in potentia virtutis eius

Eph 6:11

Eph 6:11induite vos arma Dei ut possitis stare adversus insidias diaboli

Eph 6:12

Eph 6:12quia non est nobis conluctatio adversus carnem et sanguinem sed adversus principes et potestates adversus mundi rectores tenebrarum harum contra spiritalia nequitiae in caelestibus

Eph 6:13

Eph 6:13propterea accipite armaturam Dei ut possitis resistere in die malo et omnibus perfectis stare

Eph 6:14

Eph 6:14state ergo succincti lumbos vestros in veritate et induti loricam iustitiae

Eph 6:15

Eph 6:15et calciati pedes in praeparatione evangelii pacis

Eph 6:16

Eph 6:16in omnibus sumentes scutum fidei in quo possitis omnia tela nequissimi ignea extinguere

Eph 6:17

Eph 6:17et galeam salutis adsumite et gladium Spiritus quod est verbum Dei

Eph 6:18

Eph 6:18per omnem orationem et obsecrationem orantes omni tempore in Spiritu et in ipso vigilantes in omni instantia et obsecratione pro omnibus sanctis

Eph 6:19

Eph 6:19et pro me ut detur mihi sermo in apertione oris mei cum fiducia notum facere mysterium evangelii

Eph 6:20

Eph 6:20pro quo legatione fungor in catena ita ut in ipso audeam prout oportet me loqui

Eph 6:21

Eph 6:21ut autem et vos sciatis quae circa me sunt quid agam omnia nota vobis faciet Tychicus carissimus frater et fidelis minister in Domino

Eph 6:22

Eph 6:22quem misi ad vos in hoc ipsum ut cognoscatis quae circa nos sunt et consoletur corda vestra

Eph 6:23

Eph 6:23pax fratribus et caritas cum fide a Deo Patre et Domino Iesu Christo

Eph 6:24

Eph 6:24gratia cum omnibus qui diligunt Dominum nostrum Iesum Christum in incorruptione

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.