Previous Chapter Full Page Full Page Next Chapter

Ephesios (Ephesians) 4 :: Latin Vulgate (VUL)

Eph 4:1

Eph 4:1obsecro itaque vos ego vinctus in Domino ut digne ambuletis vocatione qua vocati estis

Eph 4:2

Eph 4:2cum omni humilitate et mansuetudine cum patientia subportantes invicem in caritate

Eph 4:3

Eph 4:3solliciti servare unitatem spiritus in vinculo pacis

Eph 4:4

Eph 4:4unum corpus et unus spiritus sicut vocati estis in una spe vocationis vestrae

Eph 4:5

Eph 4:5unus Dominus una fides unum baptisma

Eph 4:6

Eph 4:6unus Deus et Pater omnium qui super omnes et per omnia et in omnibus nobis

Eph 4:7

Eph 4:7unicuique autem nostrum data est gratia secundum mensuram donationis Christi

Eph 4:8

Eph 4:8propter quod dicit ascendens in altum captivam duxit captivitatem dedit dona hominibus

Eph 4:9

Eph 4:9quod autem ascendit quid est nisi quia et descendit primum in inferiores partes terrae

Eph 4:10

Eph 4:10qui descendit ipse est et qui ascendit super omnes caelos ut impleret omnia

Eph 4:11

Eph 4:11et ipse dedit quosdam quidem apostolos quosdam autem prophetas alios vero evangelistas alios autem pastores et doctores

Eph 4:12

Eph 4:12ad consummationem sanctorum in opus ministerii in aedificationem corporis Christi

Eph 4:13

Eph 4:13donec occurramus omnes in unitatem fidei et agnitionis Filii Dei in virum perfectum in mensuram aetatis plenitudinis Christi

Eph 4:14

Eph 4:14ut iam non simus parvuli fluctuantes et circumferamur omni vento doctrinae in nequitia hominum in astutia ad circumventionem erroris

Eph 4:15

Eph 4:15veritatem autem facientes in caritate crescamus in illo per omnia qui est caput Christus

Eph 4:16

Eph 4:16ex quo totum corpus conpactum et conexum per omnem iuncturam subministrationis secundum operationem in mensuram uniuscuiusque membri augmentum corporis facit in aedificationem sui in caritate

Eph 4:17

Eph 4:17hoc igitur dico et testificor in Domino ut iam non ambuletis sicut gentes ambulant in vanitate sensus sui

Eph 4:18

Eph 4:18tenebris obscuratum habentes intellectum alienati a vita Dei per ignorantiam quae est in illis propter caecitatem cordis ipsorum

Eph 4:19

Eph 4:19qui desperantes semet ipsos tradiderunt inpudicitiae in operationem inmunditiae omnis in avaritia

Eph 4:20

Eph 4:20vos autem non ita didicistis Christum

Eph 4:21

Eph 4:21si tamen illum audistis et in ipso edocti estis sicut est veritas in Iesu

Eph 4:22

Eph 4:22deponere vos secundum pristinam conversationem veterem hominem qui corrumpitur secundum desideria erroris

Eph 4:23

Eph 4:23renovamini autem spiritu mentis vestrae

Eph 4:24

Eph 4:24et induite novum hominem qui secundum Deum creatus est in iustitia et sanctitate veritatis

Eph 4:25

Eph 4:25propter quod deponentes mendacium loquimini veritatem unusquisque cum proximo suo quoniam sumus invicem membra

Eph 4:26

Eph 4:26irascimini et nolite peccare sol non occidat super iracundiam vestram

Eph 4:27

Eph 4:27nolite locum dare diabolo

Eph 4:28

Eph 4:28qui furabatur iam non furetur magis autem laboret operando manibus quod bonum est ut habeat unde tribuat necessitatem patienti

Eph 4:29

Eph 4:29omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibus

Eph 4:30

Eph 4:30et nolite contristare Spiritum Sanctum Dei in quo signati estis in die redemptionis

Eph 4:31

Eph 4:31omnis amaritudo et ira et indignatio et clamor et blasphemia tollatur a vobis cum omni malitia

Eph 4:32

Eph 4:32estote autem invicem benigni misericordes donantes invicem sicut et Deus in Christo donavit nobis
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Ephesians Chapter 4 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras