Ephesios (Ephesians) 2 :: Latin Vulgate (VUL)

Eph 2:1et vos cum essetis mortui delictis et peccatis vestris

Eph 2:2in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiae

Eph 2:3

Eph 2:3in quibus et nos omnes aliquando conversati sumus in desideriis carnis nostrae facientes voluntates carnis et cogitationum et eramus natura filii irae sicut et ceteri

Eph 2:4

Eph 2:4Deus autem qui dives est in misericordia propter nimiam caritatem suam qua dilexit nos

Eph 2:5

Eph 2:5et cum essemus mortui peccatis convivificavit nos Christo gratia estis salvati

Eph 2:6

Eph 2:6et conresuscitavit et consedere fecit in caelestibus in Christo Iesu

Eph 2:7

Eph 2:7ut ostenderet in saeculis supervenientibus abundantes divitias gratiae suae in bonitate super nos in Christo Iesu

Eph 2:8

Eph 2:8gratia enim estis salvati per fidem et hoc non ex vobis Dei enim donum est

Eph 2:9

Eph 2:9non ex operibus ut ne quis glorietur

Eph 2:10

Eph 2:10ipsius enim sumus factura creati in Christo Iesu in operibus bonis quae praeparavit Deus ut in illis ambulemus

Eph 2:11

Eph 2:11propter quod memores estote quod aliquando vos gentes in carne qui dicimini praeputium ab ea quae dicitur circumcisio in carne manufacta

Eph 2:12

Eph 2:12quia eratis illo in tempore sine Christo alienati a conversatione Israhel et hospites testamentorum promissionis spem non habentes et sine Deo in mundo

Eph 2:13

Eph 2:13nunc autem in Christo Iesu vos qui aliquando eratis longe facti estis prope in sanguine Christi

Eph 2:14

Eph 2:14ipse est enim pax nostra qui fecit utraque unum et medium parietem maceriae solvens inimicitiam in carne sua

Eph 2:15

Eph 2:15legem mandatorum decretis evacuans ut duos condat in semet ipsum in unum novum hominem faciens pacem

Eph 2:16

Eph 2:16et reconciliet ambos in uno corpore Deo per crucem interficiens inimicitiam in semet ipso

Eph 2:17

Eph 2:17et veniens evangelizavit pacem vobis qui longe fuistis et pacem his qui prope

Eph 2:18

Eph 2:18quoniam per ipsum habemus accessum ambo in uno Spiritu ad Patrem

Eph 2:19

Eph 2:19ergo iam non estis hospites et advenae sed estis cives sanctorum et domestici Dei

Eph 2:20

Eph 2:20superaedificati super fundamentum apostolorum et prophetarum ipso summo angulari lapide Christo Iesu

Eph 2:21

Eph 2:21in quo omnis aedificatio constructa crescit in templum sanctum in Domino

Eph 2:22

Eph 2:22in quo et vos coaedificamini in habitaculum Dei in Spiritu

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.