Ecclesiastes (Ecclesiastes) 4 :: Latin Vulgate (VUL)

Ecc 4:1

Ecc 4:1verti me ad alia et vidi calumnias quae sub sole geruntur et lacrimas innocentum et consolatorem neminem nec posse resistere eorum violentiae cunctorum auxilio destitutos

Ecc 4:2

Ecc 4:2et laudavi magis mortuos quam viventes

Ecc 4:3

Ecc 4:3et feliciorem utroque iudicavi qui necdum natus est nec vidit mala quae sub sole fiunt

Ecc 4:4

Ecc 4:4rursum contemplatus omnes labores hominum et industrias animadverti patere invidiae proximi et in hoc ergo vanitas et cura superflua est

Ecc 4:5

Ecc 4:5stultus conplicat manus suas et comedit carnes suas dicens

Ecc 4:6

Ecc 4:6melior est pugillus cum requie quam plena utraque manus cum labore et adflictione animi

Ecc 4:7

Ecc 4:7considerans repperi et aliam vanitatem sub sole

Ecc 4:8

Ecc 4:8unus est et secundum non habet non filium non fratrem et tamen laborare non cessat nec satiantur oculi eius divitiis nec recogitat dicens cui laboro et fraudo animam meam bonis in hoc quoque vanitas est et adflictio pessima

Ecc 4:9

Ecc 4:9melius ergo est duos simul esse quam unum habent enim emolumentum societatis suae

Ecc 4:10

Ecc 4:10si unus ceciderit ab altero fulcietur vae soli quia cum ruerit non habet sublevantem

Ecc 4:11

Ecc 4:11et si dormierint duo fovebuntur mutuo unus quomodo calefiet

Ecc 4:12

Ecc 4:12et si quispiam praevaluerit contra unum duo resistent ei funiculus triplex difficile rumpitur

Ecc 4:13

Ecc 4:13melior est puer pauper et sapiens rege sene et stulto qui nescit providere in posterum

Ecc 4:14

Ecc 4:14quod et de carcere catenisque interdum quis egrediatur ad regnum et alius natus in regno inopia consumatur

Ecc 4:15

Ecc 4:15vidi cunctos viventes qui ambulant sub sole cum adulescente secundo qui consurgit pro eo

Ecc 4:16

Ecc 4:16infinitus numerus est populi omnium qui fuerunt ante eum et qui postea futuri sunt non laetabuntur in eo sed et hoc vanitas et adflictio spiritus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.