Ecclesiastes (Ecclesiastes) 3 :: Latin Vulgate (VUL)

Ecc 3:1

Ecc 3:1omnia tempus habent et suis spatiis transeunt universa sub caelo

Ecc 3:2

Ecc 3:2tempus nascendi et tempus moriendi tempus plantandi et tempus evellendi quod plantatum est

Ecc 3:3

Ecc 3:3tempus occidendi et tempus sanandi tempus destruendi et tempus aedificandi

Ecc 3:4

Ecc 3:4tempus flendi et tempus ridendi tempus plangendi et tempus saltandi

Ecc 3:5

Ecc 3:5tempus spargendi lapides et tempus colligendi tempus amplexandi et tempus longe fieri a conplexibus

Ecc 3:6

Ecc 3:6tempus adquirendi et tempus perdendi tempus custodiendi et tempus abiciendi

Ecc 3:7

Ecc 3:7tempus scindendi et tempus consuendi tempus tacendi et tempus loquendi

Ecc 3:8

Ecc 3:8tempus dilectionis et tempus odii tempus belli et tempus pacis

Ecc 3:9

Ecc 3:9quid habet amplius homo de labore suo

Ecc 3:10

Ecc 3:10vidi adflictionem quam dedit Deus filiis hominum ut distendantur in ea

Ecc 3:11

Ecc 3:11cuncta fecit bona in tempore suo et mundum tradidit disputationi eorum ut non inveniat homo opus quod operatus est Deus ab initio usque ad finem

Ecc 3:12

Ecc 3:12et cognovi quod non esset melius nisi laetari et facere bene in vita sua

Ecc 3:13

Ecc 3:13omnis enim homo qui comedit et bibit et videt bonum de labore suo hoc donum Dei est

Ecc 3:14

Ecc 3:14didici quod omnia opera quae fecit Deus perseverent in perpetuum non possumus eis quicquam addere nec auferre quae fecit Deus ut timeatur

Ecc 3:15

Ecc 3:15quod factum est ipsum permanet quae futura sunt iam fuerunt et Deus instaurat quod abiit

Ecc 3:16

Ecc 3:16vidi sub sole in loco iudicii impietatem et in loco iustitiae iniquitatem

Ecc 3:17

Ecc 3:17et dixi in corde meo iustum et impium iudicabit Deus et tempus omni rei tunc erit

Ecc 3:18

Ecc 3:18dixi in corde meo de filiis hominum ut probaret eos Deus et ostenderet similes esse bestiis

Ecc 3:19

Ecc 3:19idcirco unus interitus est hominis et iumentorum et aequa utriusque condicio sicut moritur homo sic et illa moriuntur similiter spirant omnia et nihil habet homo iumento amplius cuncta subiacent vanitati

Ecc 3:20

Ecc 3:20et omnia pergunt ad unum locum de terra facta sunt et in terram pariter revertentur

Ecc 3:21

Ecc 3:21quis novit si spiritus filiorum Adam ascendat sursum et si spiritus iumentorum descendat deorsum

Ecc 3:22

Ecc 3:22et deprehendi nihil esse melius quam laetari hominem in opere suo et hanc esse partem illius quis enim eum adducet ut post se futura cognoscat

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.