Previous Chapter Full Page Full Page Next Chapter

Deuteronomium (Deuteronomy) 12 :: Latin Vulgate (VUL)

Deu 12:1

Deu 12:1haec sunt praecepta atque iudicia quae facere debetis in terra quam Dominus Deus patrum tuorum daturus est tibi ut possideas eam cunctis diebus quibus super humum gradieris

Deu 12:2

Deu 12:2subvertite omnia loca in quibus coluerunt gentes quas possessuri estis deos suos super montes excelsos et colles et subter omne lignum frondosum

Deu 12:3

Deu 12:3dissipate aras earum et confringite statuas lucos igne conburite et idola comminuite disperdite nomina eorum de locis illis

Deu 12:4

Deu 12:4non facietis ita Domino Deo vestro

Deu 12:5

Deu 12:5sed ad locum quem elegerit Dominus Deus vester de cunctis tribubus vestris ut ponat nomen suum ibi et habitet in eo venietis

Deu 12:6

Deu 12:6et offeretis in illo loco holocausta et victimas vestras decimas et primitias manuum vestrarum et vota atque donaria primogenita boum et ovium

Deu 12:7

Deu 12:7et comedetis ibi in conspectu Domini Dei vestri ac laetabimini in cunctis ad quae miseritis manum vos et domus vestrae in quibus benedixerit vobis Dominus Deus vester

Deu 12:8

Deu 12:8non facietis ibi quae nos hic facimus hodie singuli quod sibi rectum videtur

Deu 12:9

Deu 12:9neque enim usque in praesens tempus venistis ad requiem et possessionem quam Dominus Deus daturus est vobis

Deu 12:10

Deu 12:10transibitis Iordanem et habitabitis in terram quam Dominus Deus vester daturus est vobis ut requiescatis a cunctis hostibus per circuitum et absque ullo timore habitetis

Deu 12:11

Deu 12:11in loco quem elegerit Dominus Deus vester ut sit nomen eius in eo illuc omnia quae praecipio conferetis holocausta et hostias ac decimas et primitias manuum vestrarum et quicquid praecipuum est in muneribus quae vovistis Domino

Deu 12:12

Deu 12:12ibi epulabimini coram Domino Deo vestro vos filii ac filiae vestrae famuli et famulae atque Levites qui in vestris urbibus commorantur neque enim habet aliam partem et possessionem inter vos

Deu 12:13

Deu 12:13cave ne offeras holocausta tua in omni loco quem videris

Deu 12:14

Deu 12:14sed in eo quem elegerit Dominus in una tribuum tuarum offeres hostias et facies quaecumque praecipio tibi

Deu 12:15

Deu 12:15sin autem comedere volueris et te esus carnium delectarit occide et comede iuxta benedictionem Domini Dei tui quam dedit tibi in urbibus tuis sive inmundum fuerit hoc est maculatum et debile sive mundum hoc est integrum et sine macula quod offerri licet sicut capream et cervum comedes

Deu 12:16

Deu 12:16absque esu dumtaxat sanguinis quod super terram quasi aquam effundes

Deu 12:17

Deu 12:17non poteris comedere in oppidis tuis decimam frumenti et vini et olei tui primogenita armentorum et pecorum et omnia quae voveris et sponte offerre volueris et primitias manuum tuarum

Deu 12:18

Deu 12:18sed coram Domino Deo tuo comedes ea in loco quem elegerit Dominus Deus tuus tu et filius tuus ac filia servus et famula atque Levites qui manet in urbibus tuis et laetaberis et reficieris coram Domino Deo tuo in cunctis ad quae extenderis manum tuam

Deu 12:19

Deu 12:19cave ne derelinquas Leviten omni tempore quo versaris in terra

Deu 12:20

Deu 12:20quando dilataverit Dominus Deus tuus terminos tuos sicut locutus est tibi et volueris vesci carnibus quas desiderat anima tua

Deu 12:21

Deu 12:21locus autem quem elegerit Dominus Deus tuus ut sit nomen eius ibi si procul fuerit occides de armentis et pecoribus quae habueris sicut praecepi tibi et comedes in oppidis tuis ut tibi placet

Deu 12:22

Deu 12:22sicut comeditur caprea et cervus ita vesceris eis et mundus et inmundus in commune vescentur

Deu 12:23

Deu 12:23hoc solum cave ne sanguinem comedas sanguis enim eorum pro anima est et idcirco non debes animam comedere cum carnibus

Deu 12:24

Deu 12:24sed super terram fundes quasi aquam

Deu 12:25

Deu 12:25ut sit tibi bene et filiis tuis post te cum feceris quod placet in conspectu Domini

Deu 12:26

Deu 12:26quae autem sanctificaveris et voveris Domino tolles et venies ad locum quem elegerit Dominus

Deu 12:27

Deu 12:27et offeres oblationes tuas carnem et sanguinem super altare Domini Dei tui sanguinem hostiarum fundes in altari carnibus autem ipse vesceris

Deu 12:28

Deu 12:28observa et audi omnia quae ego praecipio tibi ut bene sit tibi et filiis tuis post te in sempiternum cum feceris quod bonum est et placitum in conspectu Domini Dei tui

Deu 12:29

Deu 12:29quando disperderit Dominus Deus tuus ante faciem tuam gentes ad quas ingredieris possidendas et possederis eas atque habitaveris in terra earum

Deu 12:30

Deu 12:30cave ne imiteris eas postquam te fuerint introeunte subversae et requiras caerimonias earum dicens sicut coluerunt gentes istae deos suos ita et ego colam

Deu 12:31

Deu 12:31non facies similiter Domino Deo tuo omnes enim abominationes quas aversatur Dominus fecerunt diis suis offerentes filios et filias et conburentes igne

Deu 12:32

Deu 12:32quod praecipio tibi hoc tantum facito Domino nec addas quicquam nec minuas
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.