Colossenses (Colossians) 4 :: Latin Vulgate (VUL)

Col 4:1domini quod iustum est et aequum servis praestate scientes quoniam et vos Dominum habetis in caelo

Col 4:2orationi instate vigilantes in ea in gratiarum actione

Col 4:3orantes simul et pro nobis ut Deus aperiat nobis ostium sermonis ad loquendum mysterium Christi propter quod etiam vinctus sum

Col 4:4

Col 4:4ut manifestem illud ita ut oportet me loqui

Col 4:5

Col 4:5in sapientia ambulate ad eos qui foris sunt tempus redimentes

Col 4:6

Col 4:6sermo vester semper in gratia sale sit conditus ut sciatis quomodo oporteat vos unicuique respondere

(cf. Eph 6:21, 22 )

Col 4:7

Col 4:7quae circa me sunt omnia vobis nota faciet Tychicus carissimus frater et fidelis minister et conservus in Domino

Col 4:8

Col 4:8quem misi ad vos ad hoc ipsum ut cognoscat quae circa vos sunt et consoletur corda vestra

Col 4:9

Col 4:9cum Onesimo carissimo et fideli fratre qui est ex vobis omnia quae hic aguntur nota facient vobis

Col 4:10

Col 4:10salutat vos Aristarchus concaptivus meus et Marcus consobrinus Barnabae de quo accepistis mandata si venerit ad vos excipite illum

Col 4:11

Col 4:11et Iesus qui dicitur Iustus qui sunt ex circumcisione hii soli sunt adiutores in regno Dei qui mihi fuerunt solacio

Col 4:12

Col 4:12salutat vos Epaphras qui ex vobis est servus Christi Iesu semper sollicitus pro vobis in orationibus ut stetis perfecti et pleni in omni voluntate Dei

Col 4:13

Col 4:13testimonium enim illi perhibeo quod habet multum laborem pro vobis et pro his qui sunt Laodiciae et qui Hierapoli

Col 4:14

Col 4:14salutat vos Lucas medicus carissimus et Demas

Col 4:15

Col 4:15salutate fratres qui sunt Laodiciae et Nympham et quae in domo eius est ecclesiam

Col 4:16

Col 4:16et cum lecta fuerit apud vos epistula facite ut et in Laodicensium ecclesia legatur et eam quae Laodicensium est vos legatis

Col 4:17

Col 4:17et dicite Archippo vide ministerium quod accepisti in Domino ut illud impleas

Col 4:18

Col 4:18salutatio mea manu Pauli memores estote vinculorum meorum gratia vobiscum amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.