Colossenses (Colossians) 2 :: Latin Vulgate (VUL)

Col 2:1

Col 2:1volo enim vos scire qualem sollicitudinem habeam pro vobis et pro his qui sunt Laodiciae et quicumque non viderunt faciem meam in carne

Col 2:2

Col 2:2ut consolentur corda ipsorum instructi in caritate et in omnes divitias plenitudinis intellectus in agnitionem mysterii Dei Patris Christi Iesu

Col 2:3

Col 2:3in quo sunt omnes thesauri sapientiae et scientiae absconditi

Col 2:4

Col 2:4hoc autem dico ut nemo vos decipiat in subtilitate sermonum

Col 2:5

Col 2:5nam et si corpore absens sum sed spiritu vobiscum sum gaudens et videns ordinem vestrum et firmamentum eius quae in Christo est fidei vestrae

Col 2:6

Col 2:6sicut ergo accepistis Christum Iesum Dominum in ipso ambulate

Col 2:7

Col 2:7radicati et superaedificati in ipso et confirmati fide sicut et didicistis abundantes in gratiarum actione

Col 2:8

Col 2:8videte ne quis vos decipiat per philosophiam et inanem fallaciam secundum traditionem hominum secundum elementa mundi et non secundum Christum

Col 2:9

Col 2:9quia in ipso inhabitat omnis plenitudo divinitatis corporaliter

Col 2:10

Col 2:10et estis in illo repleti qui est caput omnis principatus et potestatis

Col 2:11

Col 2:11in quo et circumcisi estis circumcisione non manufacta in expoliatione corporis carnis in circumcisione Christi

Col 2:12

Col 2:12consepulti ei in baptismo in quo et resurrexistis per fidem operationis Dei qui suscitavit illum a mortuis

Col 2:13

Col 2:13et vos cum mortui essetis in delictis et praeputio carnis vestrae convivificavit cum illo donans vobis omnia delicta

Col 2:14

Col 2:14delens quod adversum nos erat chirografum decretis quod erat contrarium nobis et ipsum tulit de medio adfigens illud cruci

Col 2:15

Col 2:15expolians principatus et potestates traduxit palam triumphans illos in semet ipso

Col 2:16

Col 2:16nemo ergo vos iudicet in cibo aut in potu aut in parte diei festi aut neomeniae aut sabbatorum

Col 2:17

Col 2:17quae sunt umbra futurorum corpus autem Christi

Col 2:18

Col 2:18nemo vos seducat volens in humilitate et religione angelorum quae non vidit ambulans frustra inflatus sensu carnis suae

Col 2:19

Col 2:19et non tenens caput ex quo totum corpus per nexus et coniunctiones subministratum et constructum crescit in augmentum Dei

Col 2:20

Col 2:20si mortui estis cum Christo ab elementis mundi quid adhuc tamquam viventes in mundo decernitis

Col 2:21

Col 2:21ne tetigeris neque gustaveris neque contrectaveris

Col 2:22

Col 2:22quae sunt omnia in interitu ipso usu secundum praecepta et doctrinas hominum

Col 2:23

Col 2:23quae sunt rationem quidem habentia sapientiae in superstitione et humilitate et ad non parcendum corpori non in honore aliquo ad saturitatem carnis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.