Amos (Amos) 3 :: Latin Vulgate (VUL)

Amo 3:1

Amo 3:1audite verbum quod locutus est Dominus super vos filii Israhel super omni cognatione quam eduxi de terra Aegypti dicens

Amo 3:2

Amo 3:2tantummodo vos cognovi ex omnibus cognationibus terrae idcirco visitabo super vos omnes iniquitates vestras

Amo 3:3

Amo 3:3numquid ambulabunt duo pariter nisi convenerit eis

Amo 3:4

Amo 3:4numquid rugiet leo in saltu nisi habuerit praedam numquid dabit catulus leonis vocem de cubili suo nisi aliquid adprehenderit

Amo 3:5

Amo 3:5numquid cadet avis in laqueum terrae absque aucupe numquid auferetur laqueus de terra antequam quid ceperit

Amo 3:6

Amo 3:6si clanget tuba in civitate et populus non expavescet si erit malum in civitate quod Dominus non fecit

Amo 3:7

Amo 3:7quia non faciet Dominus Deus verbum nisi revelaverit secretum suum ad servos suos prophetas

Amo 3:8

Amo 3:8leo rugiet quis non timebit Dominus Deus locutus est quis non prophetabit

Amo 3:9

Amo 3:9auditum facite in aedibus Azoti et in aedibus terrae Aegypti et dicite congregamini super montes Samariae et videte insanias multas in medio eius et calumniam patientes in penetrabilibus eius

Amo 3:10

Amo 3:10et nescierunt facere rectum dicit Dominus thesaurizantes iniquitatem et rapinas in aedibus suis

Amo 3:11

Amo 3:11propterea haec dicit Dominus Deus tribulabitur et circumietur terra et detrahetur ex te fortitudo tua et diripientur aedes tuae

Amo 3:12

Amo 3:12haec dicit Dominus quomodo si eruat pastor de ore leonis duo crura aut extremum auriculae sic eruentur filii Israhel qui habitant in Samaria in plaga lectuli et in Damasco grabatti

Amo 3:13

Amo 3:13audite et contestamini in domo Iacob dicit Dominus Deus exercituum

Amo 3:14

Amo 3:14quia in die cum visitare coepero praevaricationes Israhel super eum visitabo et super altaria Bethel et amputabuntur cornua altaris et cadent in terram

Amo 3:15

Amo 3:15et percutiam domum hiemalem cum domo aestiva et peribunt domus eburneae et dissipabuntur aedes multae dicit Dominus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.