Actus (Acts) 9 (VUL) - Saulus autem adhuc inspirans minarum

¶

Act 9:1Saulus autem adhuc inspirans minarum et caedis in discipulos Domini accessit ad principem sacerdotum

Act 9:2et petiit ab eo epistulas in Damascum ad synagogas ut si quos invenisset huius viae viros ac mulieres vinctos perduceret in Hierusalem

Act 9:3

¶

Act 9:3et cum iter faceret contigit ut adpropinquaret Damasco et subito circumfulsit eum lux de caelo

Act 9:4

Act 9:4et cadens in terram audivit vocem dicentem sibi Saule Saule quid me persequeris

Act 9:5

¶

Act 9:5qui dixit quis es Domine et ille ego sum Iesus quem tu persequeris

Act 9:6

¶

Act 9:6[Vulgate 9:7a] sed surge et ingredere civitatem et dicetur tibi quid te oporteat facere

Act 9:7

¶

Act 9:7[Vulgate 9:7b] viri autem illi qui comitabantur cum eo stabant stupefacti audientes quidem vocem neminem autem videntes

Act 9:8

Act 9:8surrexit autem Saulus de terra apertisque oculis nihil videbat ad manus autem illum trahentes introduxerunt Damascum

Act 9:9

Act 9:9et erat tribus diebus non videns et non manducavit neque bibit

Act 9:10

¶

Act 9:10erat autem quidam discipulus Damasci nomine Ananias et dixit ad illum in visu Dominus Anania at ille ait ecce ego Domine

Act 9:11

¶

Act 9:11et Dominus ad illum surgens vade in vicum qui vocatur Rectus et quaere in domo Iudae Saulum nomine Tarsensem ecce enim orat

Act 9:12

Act 9:12et vidit virum Ananiam nomine introeuntem et inponentem sibi manus ut visum recipiat

Act 9:13

¶

Act 9:13respondit autem Ananias Domine audivi a multis de viro hoc quanta mala sanctis tuis fecerit in Hierusalem

Act 9:14

Act 9:14et hic habet potestatem a principibus sacerdotum alligandi omnes qui invocant nomen tuum

Act 9:15

¶

Act 9:15dixit autem ad eum Dominus vade quoniam vas electionis est mihi iste ut portet nomen meum coram gentibus et regibus et filiis Israhel

Act 9:16

Act 9:16ego enim ostendam illi quanta oporteat eum pro nomine meo pati

Act 9:17

¶

Act 9:17et abiit Ananias et introivit in domum et inponens ei manus dixit Saule frater Dominus misit me Iesus qui apparuit tibi in via qua veniebas ut videas et implearis Spiritu Sancto

Act 9:18

Act 9:18et confestim ceciderunt ab oculis eius tamquam squamae et visum recepit et surgens baptizatus est

Act 9:19

¶

Act 9:19et cum accepisset cibum confortatus est fuit autem cum discipulis qui erant Damasci per dies aliquot

Act 9:20

¶

Act 9:20et continuo in synagogis praedicabat Iesum quoniam hic est Filius Dei

Act 9:21

¶

Act 9:21stupebant autem omnes qui audiebant et dicebant nonne hic est qui expugnabat in Hierusalem eos qui invocabant nomen istud et huc ad hoc venit ut vinctos illos duceret ad principes sacerdotum

Act 9:22

¶

Act 9:22Saulus autem magis convalescebat et confundebat Iudaeos qui habitabant Damasci adfirmans quoniam hic est Christus

Act 9:23

¶

Act 9:23cum implerentur autem dies multi consilium fecerunt Iudaei ut eum interficerent

Act 9:24

Act 9:24notae autem factae sunt Saulo insidiae eorum custodiebant autem et portas die ac nocte ut eum interficerent

Act 9:25

Act 9:25accipientes autem discipuli eius nocte per murum dimiserunt eum submittentes in sporta

Act 9:26

¶

Act 9:26cum autem venisset in Hierusalem temptabat iungere se discipulis et omnes timebant eum non credentes quia esset discipulus

Act 9:27

Act 9:27Barnabas autem adprehensum illum duxit ad apostolos et narravit illis quomodo in via vidisset Dominum et quia locutus est ei et quomodo in Damasco fiducialiter egerit in nomine Iesu

Act 9:28

Act 9:28et erat cum illis intrans et exiens in Hierusalem et fiducialiter agens in nomine Domini

Act 9:29

Act 9:29loquebatur quoque et disputabat cum Graecis illi autem quaerebant occidere eum

Act 9:30

Act 9:30quod cum cognovissent fratres deduxerunt eum Caesaream et dimiserunt Tarsum

Act 9:31

¶

Act 9:31ecclesia quidem per totam Iudaeam et Galilaeam et Samariam habebat pacem et aedificabatur ambulans in timore Domini et consolatione Sancti Spiritus replebatur

Act 9:32

¶

Act 9:32factum est autem Petrum dum pertransiret universos devenire et ad sanctos qui habitabant Lyddae

Act 9:33

Act 9:33invenit autem ibi hominem quendam nomine Aeneam ab annis octo iacentem in grabatto qui erat paralyticus

Act 9:34

Act 9:34et ait illi Petrus Aeneas sanat te Iesus Christus surge et sterne tibi et continuo surrexit

Act 9:35

Act 9:35et viderunt illum omnes qui habitabant Lyddae et Saronae qui conversi sunt ad Dominum

Act 9:36

¶

Act 9:36in Ioppe autem fuit quaedam discipula nomine Tabitas quae interpretata dicitur Dorcas haec erat plena operibus bonis et elemosynis quas faciebat

Act 9:37

Act 9:37factum est autem in diebus illis ut infirmata moreretur quam cum lavissent posuerunt eam in cenaculo

Act 9:38

Act 9:38cum autem prope esset Lydda ab Ioppe discipuli audientes quia Petrus esset in ea miserunt duos viros ad eum rogantes ne pigriteris venire usque ad nos

Act 9:39

Act 9:39exsurgens autem Petrus venit cum illis et cum advenisset duxerunt illum in cenaculum et circumsteterunt illum omnes viduae flentes et ostendentes tunicas et vestes quas faciebat illis Dorcas

Act 9:40

Act 9:40eiectis autem omnibus foras Petrus ponens genua oravit et conversus ad corpus dixit Tabita surge at illa aperuit oculos suos et viso Petro resedit

Act 9:41

Act 9:41dans autem illi manum erexit eam et cum vocasset sanctos et viduas adsignavit eam vivam

Act 9:42

Act 9:42notum autem factum est per universam Ioppen et crediderunt multi in Domino

Act 9:43

Act 9:43factum est autem ut dies multos moraretur in Ioppe apud quendam Simonem coriarium

Actus (Acts) 9 :: Latin Vulgate (VUL)