Previous Chapter Full Page Full Page Next Chapter

Actus (Acts) 8 :: Latin Vulgate (VUL)

Act 8:1

Act 8:1[Vulgate 7:59b] Saulus autem erat consentiens neci eius [Vulgate 8:1] facta est autem in illa die persecutio magna in ecclesia quae erat Hierosolymis et omnes dispersi sunt per regiones Iudaeae et Samariae praeter apostolos

Act 8:2

Act 8:2curaverunt autem Stephanum viri timorati et fecerunt planctum magnum super illum

Act 8:3

Act 8:3Saulus vero devastabat ecclesiam per domos intrans et trahens viros ac mulieres tradebat in custodiam

Act 8:4

Act 8:4igitur qui dispersi erant pertransiebant evangelizantes verbum

Act 8:5

Act 8:5Philippus autem descendens in civitatem Samariae praedicabat illis Christum

Act 8:6

Act 8:6intendebant autem turbae his quae a Philippo dicebantur unianimiter audientes et videntes signa quae faciebat

Act 8:7

Act 8:7multi enim eorum qui habebant spiritus inmundos clamantes voce magna exiebant multi autem paralytici et claudi curati sunt

Act 8:8

Act 8:8factum est ergo magnum gaudium in illa civitate

Act 8:9

Act 8:9vir autem quidam nomine Simon qui ante fuerat in civitate magus seducens gentem Samariae dicens esse se aliquem magnum

Act 8:10

Act 8:10cui auscultabant omnes a minimo usque ad maximum dicentes hic est virtus Dei quae vocatur Magna

Act 8:11

Act 8:11adtendebant autem eum propter quod multo tempore magicis suis dementasset eos

Act 8:12

Act 8:12cum vero credidissent Philippo evangelizanti de regno Dei et nomine Iesu Christi baptizabantur viri ac mulieres

Act 8:13

Act 8:13tunc Simon et ipse credidit et cum baptizatus esset adherebat Philippo videns etiam signa et virtutes maximas fieri stupens admirabatur

Act 8:14

Act 8:14cum autem audissent apostoli qui erant Hierosolymis quia recepit Samaria verbum Dei miserunt ad illos Petrum et Iohannem

Act 8:15

Act 8:15qui cum venissent oraverunt pro ipsis ut acciperent Spiritum Sanctum

Act 8:16

Act 8:16nondum enim in quemquam illorum venerat sed baptizati tantum erant in nomine Domini Iesu

Act 8:17

Act 8:17tunc inponebant manus super illos et accipiebant Spiritum Sanctum

Act 8:18

Act 8:18cum vidisset autem Simon quia per inpositionem manus apostolorum daretur Spiritus Sanctus obtulit eis pecuniam

Act 8:19

Act 8:19dicens date et mihi hanc potestatem ut cuicumque inposuero manus accipiat Spiritum Sanctum Petrus autem dixit ad eum

Act 8:20

Act 8:20pecunia tua tecum sit in perditionem quoniam donum Dei existimasti pecunia possideri

Act 8:21

Act 8:21non est tibi pars neque sors in sermone isto cor enim tuum non est rectum coram Deo

Act 8:22

Act 8:22paenitentiam itaque age ab hac nequitia tua et roga Deum si forte remittatur tibi haec cogitatio cordis tui

Act 8:23

Act 8:23in felle enim amaritudinis et obligatione iniquitatis video te esse

Act 8:24

Act 8:24respondens autem Simon dixit precamini vos pro me ad Dominum ut nihil veniat super me horum quae dixistis

Act 8:25

Act 8:25et illi quidem testificati et locuti verbum Domini rediebant Hierosolymam et multis regionibus Samaritanorum evangelizabant
(cf. Isa 53:7, 8 )

Act 8:26

Act 8:26angelus autem Domini locutus est ad Philippum dicens surge et vade contra meridianum ad viam quae descendit ab Hierusalem in Gazam haec est deserta

Act 8:27

Act 8:27et surgens abiit et ecce vir aethiops eunuchus potens Candacis reginae Aethiopum qui erat super omnes gazas eius venerat adorare in Hierusalem

Act 8:28

Act 8:28et revertebatur sedens super currum suum legensque prophetam Esaiam

Act 8:29

Act 8:29dixit autem Spiritus Philippo accede et adiunge te ad currum istum

Act 8:30

Act 8:30adcurrens autem Philippus audivit illum legentem Esaiam prophetam et dixit putasne intellegis quae legis

Act 8:31

Act 8:31qui ait et quomodo possum si non aliquis ostenderit mihi rogavitque Philippum ut ascenderet et sederet secum

Act 8:32

Act 8:32locus autem scripturae quam legebat erat hic tamquam ovis ad occisionem ductus est et sicut agnus coram tondente se sine voce sic non aperuit os suum

Act 8:33

Act 8:33in humilitate iudicium eius sublatum est generationem illius quis enarrabit quoniam tollitur de terra vita eius

Act 8:34

Act 8:34respondens autem eunuchus Philippo dixit obsecro te de quo propheta dicit hoc de se an de alio aliquo

Act 8:35

Act 8:35aperiens autem Philippus os suum et incipiens ab scriptura ista evangelizavit illi Iesum

Act 8:36

Act 8:36et dum irent per viam venerunt ad quandam aquam et ait eunuchus ecce aqua quid prohibet me baptizari

Act 8:38

Act 8:38et iussit stare currum et descenderunt uterque in aquam Philippus et eunuchus et baptizavit eum

Act 8:39

Act 8:39cum autem ascendissent de aqua Spiritus Domini rapuit Philippum et amplius non vidit eum eunuchus ibat enim per viam suam gaudens

Act 8:40

Act 8:40Philippus autem inventus est in Azoto et pertransiens evangelizabat civitatibus cunctis donec veniret Caesaream
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.