Previous Chapter Full Page Full Page Next Chapter

Actus (Acts) 5 :: Latin Vulgate (VUL)

Act 5:1

Act 5:1vir autem quidam nomine Ananias cum Saffira uxore sua vendidit agrum

Act 5:2

Act 5:2et fraudavit de pretio agri conscia uxore sua et adferens partem quandam ad pedes apostolorum posuit

Act 5:3

Act 5:3dixit autem Petrus Anania cur temptavit Satanas cor tuum mentiri te Spiritui Sancto et fraudare de pretio agri

Act 5:4

Act 5:4nonne manens tibi manebat et venundatum in tua erat potestate quare posuisti in corde tuo hanc rem non es mentitus hominibus sed Deo

Act 5:5

Act 5:5audiens autem Ananias haec verba cecidit et exspiravit et factus est timor magnus in omnes qui audierant

Act 5:6

Act 5:6surgentes autem iuvenes amoverunt eum et efferentes sepelierunt

Act 5:7

Act 5:7factum est autem quasi horarum trium spatium et uxor ipsius nesciens quod factum fuerat introiit

Act 5:8

Act 5:8respondit autem ei Petrus dic mihi si tanti agrum vendidistis at illa dixit etiam tanti

Act 5:9

Act 5:9Petrus autem ad eam quid utique convenit vobis temptare Spiritum Domini ecce pedes eorum qui sepelierunt virum tuum ad ostium et efferent te

Act 5:10

Act 5:10confestim cecidit ante pedes eius et exspiravit intrantes autem iuvenes invenerunt illam mortuam et extulerunt et sepelierunt ad virum suum

Act 5:11

Act 5:11et factus est timor magnus in universa ecclesia et in omnes qui audierunt haec

Act 5:12

Act 5:12per manus autem apostolorum fiebant signa et prodigia multa in plebe et erant unianimiter omnes in porticu Salomonis

Act 5:13

Act 5:13ceterorum autem nemo audebat coniungere se illis sed magnificabat eos populus

Act 5:14

Act 5:14magis autem augebatur credentium in Domino multitudo virorum ac mulierum

Act 5:15

Act 5:15ita ut in plateas eicerent infirmos et ponerent in lectulis et grabattis ut veniente Petro saltim umbra illius obumbraret quemquam eorum

Act 5:16

Act 5:16concurrebat autem et multitudo vicinarum civitatum Hierusalem adferentes aegros et vexatos ab spiritibus inmundis qui curabantur omnes

Act 5:17

Act 5:17exsurgens autem princeps sacerdotum et omnes qui cum illo erant quae est heresis Sadducaeorum repleti sunt zelo

Act 5:18

Act 5:18et iniecerunt manus in apostolos et posuerunt illos in custodia publica

Act 5:19

Act 5:19angelus autem Domini per noctem aperiens ianuas carceris et educens eos dixit

Act 5:20

Act 5:20ite et stantes loquimini in templo plebi omnia verba vitae huius

Act 5:21

Act 5:21qui cum audissent intraverunt diluculo in templum et docebant adveniens autem princeps sacerdotum et qui cum eo erant convocaverunt concilium et omnes seniores filiorum Israhel et miserunt in carcerem ut adducerentur

Act 5:22

Act 5:22cum venissent autem ministri et aperto carcere non invenissent illos reversi nuntiaverunt

Act 5:23

Act 5:23dicentes carcerem quidem invenimus clausum cum omni diligentia et custodes stantes ad ianuas aperientes autem neminem intus invenimus

Act 5:24

Act 5:24ut audierunt autem hos sermones magistratus templi et principes sacerdotum ambigebant de illis quidnam fieret

Act 5:25

Act 5:25adveniens autem quidam nuntiavit eis quia ecce viri quos posuistis in carcere sunt in templo stantes et docentes populum

Act 5:26

Act 5:26tunc abiit magistratus cum ministris et adduxit illos sine vi timebant enim populum ne lapidarentur

Act 5:27

Act 5:27et cum adduxissent illos statuerunt in concilio et interrogavit eos princeps sacerdotum

Act 5:28

Act 5:28dicens praecipiendo praecepimus vobis ne doceretis in nomine isto et ecce replestis Hierusalem doctrina vestra et vultis inducere super nos sanguinem hominis istius

Act 5:29

Act 5:29respondens autem Petrus et apostoli dixerunt oboedire oportet Deo magis quam hominibus

Act 5:30

Act 5:30Deus patrum nostrorum suscitavit Iesum quem vos interemistis suspendentes in ligno

Act 5:31

Act 5:31hunc Deus principem et salvatorem exaltavit dextera sua ad dandam paenitentiam Israhel et remissionem peccatorum

Act 5:32

Act 5:32et nos sumus testes horum verborum et Spiritus Sanctus quem dedit Deus omnibus oboedientibus sibi

Act 5:33

Act 5:33haec cum audissent dissecabantur et cogitabant interficere illos

Act 5:34

Act 5:34surgens autem quidam in concilio Pharisaeus nomine Gamalihel legis doctor honorabilis universae plebi iussit foras ad breve homines fieri

Act 5:35

Act 5:35dixitque ad illos viri israhelitae adtendite vobis super hominibus istis quid acturi sitis

Act 5:36

Act 5:36ante hos enim dies extitit Theodas dicens esse se aliquem cui consensit virorum numerus circiter quadringentorum qui occisus est et omnes quicumque credebant ei dissipati sunt et redactus est ad nihilum

Act 5:37

Act 5:37post hunc extitit Iudas Galilaeus in diebus professionis et avertit populum post se et ipse periit et omnes quotquot consenserunt ei dispersi sunt

Act 5:38

Act 5:38et nunc itaque dico vobis discedite ab hominibus istis et sinite illos quoniam si est ex hominibus consilium hoc aut opus dissolvetur

Act 5:39

Act 5:39si vero ex Deo est non poteritis dissolvere eos ne forte et Deo repugnare inveniamini consenserunt autem illi

Act 5:40

Act 5:40et convocantes apostolos caesis denuntiaverunt ne loquerentur in nomine Iesu et dimiserunt eos

Act 5:41

Act 5:41et illi quidem ibant gaudentes a conspectu concilii quoniam digni habiti sunt pro nomine Iesu contumeliam pati

Act 5:42

Act 5:42omni autem die in templo et circa domos non cessabant docentes et evangelizantes Christum Iesum
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Acts Chapter 5 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras