Previous Chapter Full Page Full Page Next Chapter

Actus (Acts) 27 :: Latin Vulgate (VUL)

Act 27:1

Act 27:1ut autem iudicatum est eum navigare in Italiam et tradi Paulum cum reliquis custodiis centurioni nomine Iulio cohortis Augustae

Act 27:2

Act 27:2ascendentes autem navem hadrumetinam incipientem navigare circa Asiae loca sustulimus perseverante nobiscum Aristarcho Macedone Thessalonicense

Act 27:3

Act 27:3sequenti autem die devenimus Sidonem humane autem tractans Iulius Paulum permisit ad amicos ire et curam sui agere

Act 27:4

Act 27:4et inde cum sustulissemus subnavigavimus Cypro propterea quod essent venti contrarii

Act 27:5

Act 27:5et pelagus Ciliciae et Pamphiliae navigantes venimus Lystram quae est Lyciae

Act 27:6

Act 27:6et ibi inveniens centurio navem alexandrinam navigantem in Italiam transposuit nos in eam

Act 27:7

Act 27:7et cum multis diebus tarde navigaremus et vix devenissemus contra Cnidum prohibente nos vento adnavigavimus Cretae secundum Salmonem

Act 27:8

Act 27:8et vix iuxta navigantes venimus in locum quendam qui vocatur Boni portus cui iuxta erat civitas Thalassa

Act 27:9

Act 27:9multo autem tempore peracto et cum iam non esset tuta navigatio eo quod et ieiunium iam praeterisset consolabatur Paulus

Act 27:10

Act 27:10dicens eis viri video quoniam cum iniuria et multo damno non solum oneris et navis sed etiam animarum nostrarum incipit esse navigatio

Act 27:11

Act 27:11centurio autem gubernatori et nauclerio magis credebat quam his quae a Paulo dicebantur

Act 27:12

Act 27:12et cum aptus portus non esset ad hiemandum plurimi statuerunt consilium navigare inde si quo modo possent devenientes Phoenice hiemare portum Cretae respicientem ad africum et ad chorum

Act 27:13

Act 27:13adspirante autem austro aestimantes propositum se tenere cum sustulissent de Asson legebant Cretam

Act 27:14

Act 27:14non post multum autem misit se contra ipsam ventus typhonicus qui vocatur euroaquilo

Act 27:15

Act 27:15cumque arrepta esset navis et non posset conari in ventum data nave flatibus ferebamur

Act 27:16

Act 27:16insulam autem quandam decurrentes quae vocatur Caudam potuimus vix obtinere scapham

Act 27:17

Act 27:17qua sublata adiutoriis utebantur accingentes navem timentes ne in Syrtim inciderent submisso vase sic ferebantur

Act 27:18

Act 27:18valide autem nobis tempestate iactatis sequenti die iactum fecerunt

Act 27:19

Act 27:19et tertia die suis manibus armamenta navis proiecerunt

Act 27:20

Act 27:20neque sole autem neque sideribus apparentibus per plures dies et tempestate non exigua inminente iam ablata erat spes omnis salutis nostrae

Act 27:21

Act 27:21et cum multa ieiunatio fuisset tunc stans Paulus in medio eorum dixit oportebat quidem o viri audito me non tollere a Creta lucrique facere iniuriam hanc et iacturam

Act 27:22

Act 27:22et nunc suadeo vobis bono animo esse amissio enim nullius animae erit ex vobis praeterquam navis

Act 27:23

Act 27:23adstitit enim mihi hac nocte angelus Dei cuius sum ego et cui deservio

Act 27:24

Act 27:24dicens ne timeas Paule Caesari te oportet adsistere et ecce donavit tibi Deus omnes qui navigant tecum

Act 27:25

Act 27:25propter quod bono animo estote viri credo enim Deo quia sic erit quemadmodum dictum est mihi

Act 27:26

Act 27:26in insulam autem quandam oportet nos devenire

Act 27:27

Act 27:27sed posteaquam quartadecima nox supervenit navigantibus nobis in Hadria circa mediam noctem suspicabantur nautae apparere sibi aliquam regionem

Act 27:28

Act 27:28qui submittentes invenerunt passus viginti et pusillum inde separati invenerunt passus quindecim

Act 27:29

Act 27:29timentes autem ne in aspera loca incideremus de puppi mittentes anchoras quattuor optabant diem fieri

Act 27:30

Act 27:30nautis vero quaerentibus fugere de navi cum misissent scapham in mare sub obtentu quasi a prora inciperent anchoras extendere

Act 27:31

Act 27:31dixit Paulus centurioni et militibus nisi hii in navi manserint vos salvi fieri non potestis

Act 27:32

Act 27:32tunc absciderunt milites funes scaphae et passi sunt eam excidere

Act 27:33

Act 27:33et cum lux inciperet fieri rogabat Paulus omnes sumere cibum dicens quartadecima hodie die expectantes ieiuni permanetis nihil accipientes

Act 27:34

Act 27:34propter quod rogo vos accipere cibum pro salute vestra quia nullius vestrum capillus de capite peribit

Act 27:35

Act 27:35et cum haec dixisset sumens panem gratias egit Deo in conspectu omnium et cum fregisset coepit manducare

Act 27:36

Act 27:36animaequiores autem facti omnes et ipsi adsumpserunt cibum

Act 27:37

Act 27:37eramus vero universae animae in navi ducentae septuaginta sex

Act 27:38

Act 27:38et satiati cibo adleviabant navem iactantes triticum in mare

Act 27:39

Act 27:39cum autem dies factus esset terram non agnoscebant sinum vero quendam considerabant habentem litus in quem cogitabant si possent eicere navem

Act 27:40

Act 27:40et cum anchoras abstulissent committebant se mari simul laxantes iuncturas gubernaculorum et levato artemone secundum flatum aurae tendebant ad litus

Act 27:41

Act 27:41et cum incidissemus in locum bithalassum inpegerunt navem et prora quidem fixa manebat inmobilis puppis vero solvebatur a vi maris

Act 27:42

Act 27:42militum autem consilium fuit ut custodias occiderent ne quis cum enatasset effugeret

Act 27:43

Act 27:43centurio autem volens servare Paulum prohibuit fieri iussitque eos qui possent natare mittere se primos et evadere et ad terram exire

Act 27:44

Act 27:44et ceteros alios in tabulis ferebant quosdam super ea quae de navi essent et sic factum est ut omnes animae evaderent ad terram
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Acts Chapter 27 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras