Previous Chapter Full Page Full Page Next Chapter

Actus (Acts) 19 :: Latin Vulgate (VUL)

Act 19:1

Act 19:1factum est autem cum Apollo esset Corinthi ut Paulus peragratis superioribus partibus veniret Ephesum et inveniret quosdam discipulos

Act 19:2

Act 19:2dixitque ad eos si Spiritum Sanctum accepistis credentes at illi ad eum sed neque si Spiritus Sanctus est audivimus

Act 19:3

Act 19:3ille vero ait in quo ergo baptizati estis qui dixerunt in Iohannis baptismate

Act 19:4

Act 19:4dixit autem Paulus Iohannes baptizavit baptisma paenitentiae populum dicens in eum qui venturus esset post ipsum ut crederent hoc est in Iesum

Act 19:5

Act 19:5his auditis baptizati sunt in nomine Domini Iesu

Act 19:6

Act 19:6et cum inposuisset illis manum Paulus venit Spiritus Sanctus super eos et loquebantur linguis et prophetabant

Act 19:7

Act 19:7erant autem omnes viri fere duodecim

Act 19:8

Act 19:8introgressus autem synagogam cum fiducia loquebatur per tres menses disputans et suadens de regno Dei

Act 19:9

Act 19:9cum autem quidam indurarentur et non crederent maledicentes viam coram multitudine discedens ab eis segregavit discipulos cotidie disputans in scola Tyranni

Act 19:10

Act 19:10hoc autem factum est per biennium ita ut omnes qui habitabant in Asia audirent verbum Domini Iudaei atque gentiles

Act 19:11

Act 19:11virtutesque non quaslibet Deus faciebat per manus Pauli

Act 19:12

Act 19:12ita ut etiam super languidos deferrentur a corpore eius sudaria vel semicintia et recedebant ab eis languores et spiritus nequam egrediebantur

Act 19:13

Act 19:13temptaverunt autem quidam et de circumeuntibus iudaeis exorcistis invocare super eos qui habebant spiritus malos nomen Domini Iesu dicentes adiuro vos per Iesum quem Paulus praedicat

Act 19:14

Act 19:14erant autem quidam Scevae Iudaei principis sacerdotum septem filii qui hoc faciebant

Act 19:15

Act 19:15respondens autem spiritus nequam dixit eis Iesum novi et Paulum scio vos autem qui estis

Act 19:16

Act 19:16et insiliens homo in eos in quo erat daemonium pessimum et dominatus amborum invaluit contra eos ita ut nudi et vulnerati effugerent de domo illa

Act 19:17

Act 19:17hoc autem notum factum est omnibus Iudaeis atque gentilibus qui habitabant Ephesi et cecidit timor super omnes illos et magnificabatur nomen Domini Iesu

Act 19:18

Act 19:18multique credentium veniebant confitentes et adnuntiantes actus suos

Act 19:19

Act 19:19multi autem ex his qui fuerant curiosa sectati contulerunt libros et conbuserunt coram omnibus et conputatis pretiis illorum invenerunt pecuniam denariorum quinquaginta milium

Act 19:20

Act 19:20ita fortiter verbum Dei crescebat et confirmabatur

Act 19:21

Act 19:21his autem expletis posuit Paulus in Spiritu transita Macedonia et Achaia ire Hierosolymam dicens quoniam postquam fuero ibi oportet me et Romam videre

Act 19:22

Act 19:22mittens autem in Macedoniam duos ex ministrantibus sibi Timotheum et Erastum ipse remansit ad tempus in Asia

Act 19:23

Act 19:23facta est autem in illo tempore turbatio non minima de via

Act 19:24

Act 19:24Demetrius enim quidam nomine argentarius faciens aedes argenteas Dianae praestabat artificibus non modicum quaestum

Act 19:25

Act 19:25quos convocans et eos qui eiusmodi erant opifices dixit viri scitis quia de hoc artificio adquisitio est nobis

Act 19:26

Act 19:26et videtis et auditis quia non solum Ephesi sed paene totius Asiae Paulus hic suadens avertit multam turbam dicens quoniam non sunt dii qui manibus fiunt

Act 19:27

Act 19:27non solum autem haec periclitabitur nobis pars in redargutionem venire sed et magnae deae Dianae templum in nihilum reputabitur sed et destrui incipiet maiestas eius quam tota Asia et orbis colit

Act 19:28

Act 19:28his auditis repleti sunt ira et exclamaverunt dicentes magna Diana Ephesiorum

Act 19:29

Act 19:29et impleta est civitas confusione et impetum fecerunt uno animo in theatrum rapto Gaio et Aristarcho Macedonibus comitibus Pauli

Act 19:30

Act 19:30Paulo autem volente intrare in populum non permiserunt discipuli

Act 19:31

Act 19:31quidam autem et de Asiae principibus qui erant amici eius miserunt ad eum rogantes ne se daret in theatrum

Act 19:32

Act 19:32alii autem aliud clamabant erat enim ecclesia confusa et plures nesciebant qua ex causa convenissent

Act 19:33

Act 19:33de turba autem detraxerunt Alexandrum propellentibus eum Iudaeis Alexander ergo manu silentio postulato volebat rationem reddere populo

Act 19:34

Act 19:34quem ut cognoverunt Iudaeum esse vox facta est una omnium quasi per horas duas clamantium magna Diana Ephesiorum

Act 19:35

Act 19:35et cum sedasset scriba turbas dixit viri ephesii quis enim est hominum qui nesciat Ephesiorum civitatem cultricem esse magnae Dianae Iovisque prolis

Act 19:36

Act 19:36cum ergo his contradici non possit oportet vos sedatos esse et nihil temere agere

Act 19:37

Act 19:37adduxistis enim homines istos neque sacrilegos neque blasphemantes deam vestram

Act 19:38

Act 19:38quod si Demetrius et qui cum eo sunt artifices habent adversus aliquem causam conventus forenses aguntur et pro consulibus sunt accusent invicem

Act 19:39

Act 19:39si quid autem alterius rei quaeritis in legitima ecclesia poterit absolvi

Act 19:40

Act 19:40[Vulgate 19:40a] nam et periclitamur argui seditionis hodiernae cum nullus obnoxius sit de quo non possimus reddere rationem concursus istius

Act 19:41

Act 19:41[Vulgate 19:40b] et cum haec dixisset dimisit ecclesiam
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.