Previous Chapter Full Page Full Page Next Chapter

Actus (Acts) 14 :: Latin Vulgate (VUL)

Act 14:1

Act 14:1factum est autem Iconii ut simul introirent synagogam Iudaeorum et loquerentur ita ut crederet Iudaeorum et Graecorum copiosa multitudo

Act 14:2

Act 14:2qui vero increduli fuerunt Iudaei suscitaverunt et ad iracundiam concitaverunt animas gentium adversus fratres

Act 14:3

Act 14:3multo igitur tempore demorati sunt fiducialiter agentes in Domino testimonium perhibente verbo gratiae suae dante signa et prodigia fieri per manus eorum

Act 14:4

Act 14:4divisa est autem multitudo civitatis et quidam quidem erant cum Iudaeis quidam vero cum apostolis

Act 14:5

Act 14:5cum autem factus esset impetus gentilium et Iudaeorum cum principibus suis ut contumeliis adficerent et lapidarent eos

Act 14:6

Act 14:6[Vulgate 14:6a] intellegentes confugerunt ad civitates Lycaoniae Lystram et Derben et universam in circuitu regionem

Act 14:7

Act 14:7[Vulgate 14:6b] et ibi evangelizantes erant

Act 14:8

Act 14:8[Vulgate 14:7] et quidam vir in Lystris infirmus pedibus sedebat claudus ex utero matris suae qui numquam ambulaverat

Act 14:9

Act 14:9[Vulgate 14:8] hic audivit Paulum loquentem qui intuitus eum et videns quia haberet fidem ut salvus fieret

Act 14:10

Act 14:10[Vulgate 14:9] dixit magna voce surge super pedes tuos rectus et exilivit et ambulabat

Act 14:11

Act 14:11[Vulgate 14:10] turbae autem cum vidissent quod fecerat Paulus levaverunt vocem suam lycaonice dicentes dii similes facti hominibus descenderunt ad nos

Act 14:12

Act 14:12[Vulgate 14:11] et vocabant Barnaban Iovem Paulum vero Mercurium quoniam ipse erat dux verbi

Act 14:13

Act 14:13[Vulgate 14:12] sacerdos quoque Iovis qui erat ante civitatem tauros et coronas ante ianuas adferens cum populis volebat sacrificare

Act 14:14

Act 14:14[Vulgate 14:13] quod ubi audierunt apostoli Barnabas et Paulus conscissis tunicis suis exilierunt in turbas clamantes

Act 14:15

Act 14:15[Vulgate 14:14] et dicentes viri quid haec facitis et nos mortales sumus similes vobis homines adnuntiantes vobis ab his vanis converti ad Deum vivum qui fecit caelum et terram et mare et omnia quae in eis sunt

Act 14:16

Act 14:16[Vulgate 14:15] qui in praeteritis generationibus dimisit omnes gentes ingredi in vias suas

Act 14:17

Act 14:17[Vulgate 14:16] et quidem non sine testimonio semet ipsum reliquit benefaciens de caelo dans pluvias et tempora fructifera implens cibo et laetitia corda vestra

Act 14:18

Act 14:18[Vulgate 14:17] et haec dicentes vix sedaverunt turbas ne sibi immolarent

Act 14:19

Act 14:19[Vulgate 14:18] supervenerunt autem quidam ab Antiochia et Iconio Iudaei et persuasis turbis lapidantesque Paulum traxerunt extra civitatem aestimantes eum mortuum esse

Act 14:20

Act 14:20[Vulgate 14:19] circumdantibus autem eum discipulis surgens intravit civitatem et postera die profectus est cum Barnaba in Derben

Act 14:21

Act 14:21[Vulgate 14:20] cumque evangelizassent civitati illi et docuissent multos reversi sunt Lystram et Iconium et Antiochiam

Act 14:22

Act 14:22[Vulgate 14:21] confirmantes animas discipulorum exhortantes ut permanerent in fide et quoniam per multas tribulationes oportet nos intrare in regnum Dei

Act 14:23

Act 14:23[Vulgate 14:22] et cum constituissent illis per singulas ecclesias presbyteros et orassent cum ieiunationibus commendaverunt eos Domino in quem crediderunt

Act 14:24

Act 14:24[Vulgate 14:23] transeuntesque Pisidiam venerunt Pamphiliam

Act 14:25

Act 14:25[Vulgate 14:24] et loquentes in Pergen verbum Domini descenderunt in Attaliam

Act 14:26

Act 14:26[Vulgate 14:25] et inde navigaverunt Antiochiam unde erant traditi gratiae Dei in opus quod conpleverunt

Act 14:27

Act 14:27[Vulgate 14:26] cum autem venissent et congregassent ecclesiam rettulerunt quanta fecisset Deus cum illis quia aperuisset gentibus ostium fidei

Act 14:28

Act 14:28[Vulgate 14:27] morati sunt autem tempus non modicum cum discipulis
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.