Previous Chapter Full Page Full Page Next Chapter

2 Samuelis (2 Samuel) 5 :: Latin Vulgate (VUL)

2Sa 5:1

2Sa 5:1et venerunt universae tribus Israhel ad David in Hebron dicentes ecce nos os tuum et caro tua sumus

2Sa 5:2

2Sa 5:2sed et heri et nudius tertius cum esset Saul rex super nos tu eras educens et reducens Israhel dixit autem Dominus ad te tu pasces populum meum Israhel et tu eris dux super Israhel

2Sa 5:3

2Sa 5:3venerunt quoque et senes de Israhel ad regem in Hebron et percussit cum eis rex David foedus in Hebron coram Domino unxeruntque David in regem super Israhel

2Sa 5:4

2Sa 5:4filius triginta annorum erat David cum regnare coepisset et quadraginta annis regnavit

2Sa 5:5

2Sa 5:5in Hebron regnavit super Iudam septem annis et sex mensibus in Hierusalem autem regnavit triginta tribus annis super omnem Israhel et Iudam

2Sa 5:6

2Sa 5:6et abiit rex et omnes viri qui erant cum eo in Hierusalem ad Iebuseum habitatorem terrae dictumque est ad David ab eis non ingredieris huc nisi abstuleris caecos et claudos dicentes non ingredietur David huc

2Sa 5:7

2Sa 5:7cepit autem David arcem Sion haec est civitas David

2Sa 5:8

2Sa 5:8proposuerat enim in die illa praemium qui percussisset Iebuseum et tetigisset domatum fistulas et claudos et caecos odientes animam David idcirco dicitur in proverbio caecus et claudus non intrabunt templum

2Sa 5:9

2Sa 5:9habitavit autem David in arce et vocavit eam civitatem David et aedificavit per gyrum a Mello et intrinsecus

2Sa 5:10

2Sa 5:10et ingrediebatur proficiens atque succrescens et Dominus Deus exercituum erat cum eo

2Sa 5:11

2Sa 5:11misit quoque Hiram rex Tyri nuntios ad David et ligna cedrina et artifices lignorum artificesque lapidum ad parietes et aedificaverunt domum David

2Sa 5:12

2Sa 5:12et cognovit David quoniam confirmasset eum Dominus regem super Israhel et quoniam exaltasset regnum eius super populum suum Israhel

2Sa 5:13

2Sa 5:13accepit ergo adhuc concubinas et uxores de Hierusalem postquam venerat de Hebron natique sunt David et alii filii et filiae

2Sa 5:14

2Sa 5:14et haec nomina eorum qui nati sunt ei in Hierusalem Samua et Sobab et Nathan et Salomon

2Sa 5:15

2Sa 5:15et Ibaar et Helisua et Nepheg

2Sa 5:16

2Sa 5:16et Iafia et Helisama et Helida et Helifeleth

2Sa 5:17

2Sa 5:17audierunt vero Philisthim quod unxissent David regem super Israhel et ascenderunt universi ut quaererent David quod cum audisset David descendit in praesidium

2Sa 5:18

2Sa 5:18Philisthim autem venientes diffusi sunt in valle Raphaim

2Sa 5:19

2Sa 5:19et consuluit David Dominum dicens si ascendam ad Philisthim et si dabis eos in manu mea et dixit Dominus ad David ascende quia tradens dabo Philisthim in manu tua

2Sa 5:20

2Sa 5:20venit ergo David in Baalpharasim et percussit eos ibi et dixit divisit Dominus inimicos meos coram me sicut dividuntur aquae propterea vocatum est nomen loci illius Baalpharasim

2Sa 5:21

2Sa 5:21et reliquerunt ibi sculptilia sua quae tulit David et viri eius

2Sa 5:22

2Sa 5:22et addiderunt adhuc Philisthim ut ascenderent et diffusi sunt in valle Raphaim

2Sa 5:23

2Sa 5:23consuluit autem David Dominum qui respondit non ascendas sed gyra post tergum eorum et venies ad eos ex adverso pirorum

2Sa 5:24

2Sa 5:24et cum audieris sonitum gradientis in cacumine pirorum tunc inibis proelium quia tunc egredietur Dominus ante faciem tuam ut percutiat castra Philisthim

2Sa 5:25

2Sa 5:25fecit itaque David sicut ei praeceperat Dominus et percussit Philisthim de Gabee usque dum venias Gezer
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

2 Samuel Chapter 5 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras