2 Corinthios (2 Corinthians) 9 :: Latin Vulgate (VUL)

2Co 9:1nam de ministerio quod fit in sanctos ex abundanti est mihi scribere vobis

2Co 9:2scio enim promptum animum vestrum pro quo de vobis glorior apud Macedonas quoniam Achaia parata est ab anno praeterito et vestra aemulatio provocavit plurimos

2Co 9:3

2Co 9:3misi autem fratres ut ne quod gloriamur de vobis evacuetur in hac parte ut quemadmodum dixi parati sitis

2Co 9:4

2Co 9:4ne cum venerint mecum Macedones et invenerint vos inparatos erubescamus nos ut non dicamus vos in hac substantia

2Co 9:5

2Co 9:5necessarium ergo existimavi rogare fratres ut praeveniant ad vos et praeparent repromissam benedictionem hanc paratam esse sic quasi benedictionem non quasi avaritiam

2Co 9:6

2Co 9:6hoc autem qui parce seminat parce et metet et qui seminat in benedictionibus de benedictionibus et metet

2Co 9:7

2Co 9:7unusquisque prout destinavit corde suo non ex tristitia aut ex necessitate hilarem enim datorem diligit Deus

2Co 9:8

2Co 9:8potens est autem Deus omnem gratiam abundare facere in vobis ut in omnibus semper omnem sufficientiam habentes abundetis in omne opus bonum

2Co 9:9

2Co 9:9sicut scriptum est dispersit dedit pauperibus iustitia eius manet in aeternum

2Co 9:10

2Co 9:10qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae

2Co 9:11

2Co 9:11ut in omnibus locupletati abundetis in omnem simplicitatem quae operatur per nos gratiarum actionem Deo

2Co 9:12

2Co 9:12quoniam ministerium huius officii non solum supplet ea quae desunt sanctis sed etiam abundat per multas gratiarum actiones in Domino

2Co 9:13

2Co 9:13per probationem ministerii huius glorificantes Deum in oboedientia confessionis vestrae in evangelium Christi et simplicitate communicationis in illos et in omnes

2Co 9:14

2Co 9:14et ipsorum obsecratione pro vobis desiderantium vos propter eminentem gratiam Dei in vobis

2Co 9:15

2Co 9:15gratias Deo super inenarrabili dono eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.