2 Corinthios (2 Corinthians) 8 :: Latin Vulgate (VUL)

2Co 8:1notam autem facimus vobis fratres gratiam Dei quae data est in ecclesiis Macedoniae

2Co 8:2quod in multo experimento tribulationis abundantia gaudii ipsorum et altissima paupertas eorum abundavit in divitias simplicitatis eorum

2Co 8:3

2Co 8:3quia secundum virtutem testimonium illis reddo et supra virtutem voluntarii fuerunt

2Co 8:4

2Co 8:4cum multa exhortatione obsecrantes nos gratiam et communicationem ministerii quod fit in sanctos

2Co 8:5

2Co 8:5et non sicut speravimus sed semet ipsos dederunt primum Domino deinde nobis per voluntatem Dei

2Co 8:6

2Co 8:6ita ut rogaremus Titum ut quemadmodum coepit ita et perficiat in vos etiam gratiam istam

2Co 8:7

2Co 8:7sed sicut in omnibus abundatis fide et sermone et scientia et omni sollicitudine et caritate vestra in nos ut et in hac gratia abundetis

2Co 8:8

2Co 8:8non quasi imperans dico sed per aliorum sollicitudinem etiam vestrae caritatis ingenitum bonum conprobans

2Co 8:9

2Co 8:9scitis enim gratiam Domini nostri Iesu Christi quoniam propter vos egenus factus est cum esset dives ut illius inopia vos divites essetis

2Co 8:10

2Co 8:10et consilium in hoc do hoc enim vobis utile est qui non solum facere sed et velle coepistis ab anno priore

2Co 8:11

2Co 8:11nunc vero et facto perficite ut quemadmodum promptus est animus voluntatis ita sit et perficiendi ex eo quod habetis

2Co 8:12

2Co 8:12si enim voluntas prompta est secundum id quod habet accepta est non secundum quod non habet

2Co 8:13

2Co 8:13non enim ut aliis sit remissio vobis autem tribulatio sed ex aequalitate

2Co 8:14

2Co 8:14in praesenti tempore vestra abundantia illorum inopiam suppleat ut et illorum abundantia vestrae inopiae sit supplementum ut fiat aequalitas sicut scriptum est

2Co 8:15

2Co 8:15qui multum non abundavit et qui modicum non minoravit

2Co 8:16

2Co 8:16gratias autem Deo qui dedit eandem sollicitudinem pro vobis in corde Titi

2Co 8:17

2Co 8:17quoniam exhortationem quidem suscepit sed cum sollicitior esset sua voluntate profectus est ad vos

2Co 8:18

2Co 8:18misimus etiam cum illo fratrem cuius laus est in evangelio per omnes ecclesias

2Co 8:19

2Co 8:19non solum autem sed et ordinatus ab ecclesiis comes peregrinationis nostrae in hac gratia quae ministratur a nobis ad Domini gloriam et destinatam voluntatem nostram

2Co 8:20

2Co 8:20devitantes hoc ne quis nos vituperet in hac plenitudine quae ministratur a nobis

2Co 8:21

2Co 8:21providemus enim bona non solum coram Deo sed etiam coram hominibus

2Co 8:22

2Co 8:22misimus autem cum illis et fratrem nostrum quem probavimus in multis saepe sollicitum esse nunc autem multo sollicitiorem confidentia multa in vos

2Co 8:23

2Co 8:23sive pro Tito qui est socius meus et in vos adiutor sive fratres nostri apostoli ecclesiarum gloriae Christi

2Co 8:24

2Co 8:24ostensionem ergo quae est caritatis vestrae et nostrae gloriae pro vobis in illos ostendite in faciem ecclesiarum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.