Previous Chapter Full Page Full Page Next Chapter

2 Corinthios (2 Corinthians) 11 :: Latin Vulgate (VUL)

2Co 11:1

2Co 11:1utinam sustineretis modicum quid insipientiae meae sed et subportate me

2Co 11:2

2Co 11:2aemulor enim vos Dei aemulatione despondi enim vos uni viro virginem castam exhibere Christo

2Co 11:3

2Co 11:3timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in Christo

2Co 11:4

2Co 11:4nam si is qui venit alium Christum praedicat quem non praedicavimus aut alium spiritum accipitis quem non accepistis aut aliud evangelium quod non recepistis recte pateremini

2Co 11:5

2Co 11:5existimo enim nihil me minus fecisse magnis apostolis

2Co 11:6

2Co 11:6et si inperitus sermone sed non scientia in omnibus autem manifestatus sum vobis

2Co 11:7

2Co 11:7aut numquid peccatum feci me ipsum humilians ut vos exaltemini quoniam gratis evangelium Dei evangelizavi vobis

2Co 11:8

2Co 11:8alias ecclesias expoliavi accipiens stipendium ad ministerium vestrum

2Co 11:9

2Co 11:9et cum essem apud vos et egerem nulli onerosus fui nam quod mihi deerat suppleverunt fratres qui venerunt a Macedonia et in omnibus sine onere me vobis servavi et servabo

2Co 11:10

2Co 11:10est veritas Christi in me quoniam haec gloria non infringetur in me in regionibus Achaiae

2Co 11:11

2Co 11:11quare quia non diligo vos Deus scit

2Co 11:12

2Co 11:12quod autem facio et faciam ut amputem occasionem eorum qui volunt occasionem ut in quo gloriantur inveniantur sicut et nos

2Co 11:13

2Co 11:13nam eiusmodi pseudoapostoli operarii subdoli transfigurantes se in apostolos Christi

2Co 11:14

2Co 11:14et non mirum ipse enim Satanas transfigurat se in angelum lucis

2Co 11:15

2Co 11:15non est ergo magnum si ministri eius transfigurentur velut ministri iustitiae quorum finis erit secundum opera ipsorum

2Co 11:16

2Co 11:16iterum dico ne quis me putet insipientem alioquin velut insipientem accipite me ut et ego modicum quid glorier

2Co 11:17

2Co 11:17quod loquor non loquor secundum Dominum sed quasi in insipientia in hac substantia gloriae

2Co 11:18

2Co 11:18quoniam multi gloriantur secundum carnem et ego gloriabor

2Co 11:19

2Co 11:19libenter enim suffertis insipientes cum sitis ipsi sapientes

2Co 11:20

2Co 11:20sustinetis enim si quis vos in servitutem redigit si quis devorat si quis accipit si quis extollitur si quis in faciem vos caedit

2Co 11:21

2Co 11:21secundum ignobilitatem dico quasi nos infirmi fuerimus in quo quis audet in insipientia dico audeo et ego

2Co 11:22

2Co 11:22Hebraei sunt et ego Israhelitae sunt et ego semen Abrahae sunt et ego

2Co 11:23

2Co 11:23ministri Christi sunt minus sapiens dico plus ego in laboribus plurimis in carceribus abundantius in plagis supra modum in mortibus frequenter

2Co 11:24

2Co 11:24a Iudaeis quinquies quadragenas una minus accepi

2Co 11:25

2Co 11:25ter virgis caesus sum semel lapidatus sum ter naufragium feci nocte et die in profundo maris fui

2Co 11:26

2Co 11:26in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribus

2Co 11:27

2Co 11:27in labore et aerumna in vigiliis multis in fame et siti in ieiuniis multis in frigore et nuditate

2Co 11:28

2Co 11:28praeter illa quae extrinsecus sunt instantia mea cotidiana sollicitudo omnium ecclesiarum

2Co 11:29

2Co 11:29quis infirmatur et non infirmor quis scandalizatur et ego non uror

2Co 11:30

2Co 11:30si gloriari oportet quae infirmitatis meae sunt gloriabor

2Co 11:31

2Co 11:31Deus et Pater Domini Iesu scit qui est benedictus in saecula quod non mentior

2Co 11:32

2Co 11:32Damasci praepositus gentis Aretae regis custodiebat civitatem Damascenorum ut me conprehenderet

2Co 11:33

2Co 11:33et per fenestram in sporta dimissus sum per murum et effugi manus eius
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.