2 Paralipomenon (2 Chronicles) 25 :: Latin Vulgate (VUL)

(2Ki 14:1–6 )

2Ch 25:1viginti quinque annorum erat Amasias cum regnare coepisset et viginti novem annis regnavit in Hierusalem nomen matris eius Ioaden de Hierusalem

2Ch 25:2

2Ch 25:2fecitque bonum in conspectu Domini verumtamen non in corde perfecto

2Ch 25:3

2Ch 25:3cumque roboratum sibi videret imperium iugulavit servos qui occiderant regem patrem suum

2Ch 25:4

2Ch 25:4sed filios eorum non interfecit sicut scriptum est in libro legis Mosi ubi praecepit Dominus dicens non occidentur patres pro filiis neque filii pro patribus suis sed unusquisque in suo peccato morietur

(2Ki 14:7 )

2Ch 25:5

2Ch 25:5congregavit igitur Amasias Iudam et constituit eos per familias tribunosque et centuriones in universo Iuda et Beniamin et recensuit a viginti annis sursum invenitque triginta milia iuvenum qui egrederentur ad pugnam et tenerent hastam et clypeum

2Ch 25:6

2Ch 25:6mercede quoque conduxit de Israhel centum milia robustorum centum talentis argenti

2Ch 25:7

2Ch 25:7venit autem homo Dei ad illum et ait o rex ne egrediatur tecum exercitus Israhel non est enim Dominus cum Israhel et cunctis filiis Ephraim

2Ch 25:8

2Ch 25:8quod si putas in robore exercitus bella consistere superari te faciet Deus ab hostibus Dei quippe est et adiuvare et in fugam vertere

2Ch 25:9

2Ch 25:9dixitque Amasias ad hominem Dei quid ergo fiet de centum talentis quae dedi militibus Israhel et respondit ei homo Dei habet Dominus unde tibi dare possit multo his plura

2Ch 25:10

2Ch 25:10separavit itaque Amasias exercitum qui venerat ad eum ex Ephraim ut reverteretur in locum suum at illi contra Iudam vehementer irati reversi sunt in regionem suam

2Ch 25:11

2Ch 25:11porro Amasias confidenter eduxit populum suum et abiit in vallem Salinarum percussitque filios Seir decem milia

2Ch 25:12

2Ch 25:12et alia decem milia virorum ceperunt filii Iuda et adduxerunt ad praeruptum cuiusdam petrae praecipitaveruntque eos de summo in praeceps qui universi crepuerunt

2Ch 25:13

2Ch 25:13at ille exercitus quem remiserat Amasias ne secum iret ad proelium diffusus est in civitatibus Iuda a Samaria usque Bethoron et interfectis tribus milibus diripuit praedam magnam

2Ch 25:14

2Ch 25:14Amasias vero post caedem Idumeorum et adlatos deos filiorum Seir statuit illos in deos sibi et adorabat eos et illis adolebat incensum

2Ch 25:15

2Ch 25:15quam ob rem iratus Dominus contra Amasiam misit ad illum prophetam qui diceret ei cur adorasti deos qui non liberaverunt populum suum de manu tua

2Ch 25:16

2Ch 25:16cumque haec ille loqueretur respondit ei num consiliarius regis es quiesce ne interficiam te discedensque propheta scio inquit quod cogitaverit Dominus occidere te qui et fecisti hoc malum et insuper non adquievisti consilio meo

(2Ki 14:8–14 )

2Ch 25:17

2Ch 25:17igitur Amasias rex Iuda inito pessimo consilio misit ad Ioas filium Ioachaz filii Hieu regem Israhel dicens veni videamus nos mutuo

2Ch 25:18

2Ch 25:18at ille remisit nuntium dicens carduus qui est in Libano misit ad cedrum Libani dicens da filiam tuam filio meo uxorem et ecce bestiae quae erant in silva Libani transierunt et conculcaverunt carduum

2Ch 25:19

2Ch 25:19dixisti percussi Edom et idcirco erigitur cor tuum in superbiam sede in domo tua cur malum adversum te provocas ut cadas et tu et Iudas tecum

2Ch 25:20

2Ch 25:20noluit audire Amasias eo quod Domini esset voluntas ut traderetur in manibus hostium propter deos Edom

2Ch 25:21

2Ch 25:21ascendit igitur Ioas rex Israhel et mutuos sibi praebuere conspectus Amasias autem rex Iuda erat in Bethsames Iudae

2Ch 25:22

2Ch 25:22corruitque Iudas coram Israhel et fugit in tabernacula sua

2Ch 25:23

2Ch 25:23porro Amasiam regem Iuda filium Ioas filii Ioachaz cepit Ioas rex Israhel in Bethsames et adduxit in Hierusalem destruxitque murum eius a porta Ephraim usque ad portam Anguli quadringentis cubitis

2Ch 25:24

2Ch 25:24omne quoque aurum et argentum et universa vasa quae reppererat in domo Dei et apud Obededom in thesauris etiam domus regiae necnon et filios obsidum reduxit Samariam

(2Ki 14:17–20 )

2Ch 25:25

2Ch 25:25vixit autem Amasias filius Ioas rex Iuda postquam mortuus est Ioas filius Ioachaz rex Israhel quindecim annis

2Ch 25:26

2Ch 25:26reliqua vero sermonum Amasiae priorum et novissimorum scripta sunt in libro regum Iuda et Israhel

2Ch 25:27

2Ch 25:27qui postquam recessit a Domino tetenderunt ei insidias in Hierusalem cumque fugisset Lachis miserunt et interfecerunt eum ibi

2Ch 25:28

2Ch 25:28reportantesque super equos sepelierunt eum cum patribus suis in civitate David

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.