2 Paralipomenon (2 Chronicles) 16 :: Latin Vulgate (VUL)

(1Ki 15:16–22 )

2Ch 16:1anno autem tricesimo sexto regni eius ascendit Baasa rex Israhel in Iudam et muro circumdabat Rama ut nullus tute posset egredi et ingredi de regno Asa

2Ch 16:2

2Ch 16:2protulit ergo Asa argentum et aurum de thesauris domus Domini et de thesauris regis misitque ad Benadad regem Syriae qui habitabat in Damasco dicens

2Ch 16:3

2Ch 16:3foedus inter me et te est pater quoque meus et pater tuus habuere concordiam quam ob rem misi tibi argentum et aurum ut rupto foedere quod habes cum Baasa rege Israhel facias eum a me recedere

2Ch 16:4

2Ch 16:4quo conperto Benadad misit principes exercituum suorum ad urbes Israhel qui percusserunt Ahion et Dan et Abelmaim et universas urbes muratas Nepthalim

2Ch 16:5

2Ch 16:5quod cum audisset Baasa desivit aedificare Rama et intermisit opus suum

2Ch 16:6

2Ch 16:6porro Asa rex adsumpsit universum Iudam et tulerunt lapides Rama et ligna quae aedificationi praeparaverat Baasa aedificavitque ex eis Gabaa et Maspha

2Ch 16:7

2Ch 16:7in tempore illo venit Anani propheta ad Asam regem Iuda et dixit ei quia habuisti fiduciam in rege Syriae et non in Domino Deo tuo idcirco evasit Syriae regis exercitus de manu tua

2Ch 16:8

2Ch 16:8nonne Aethiopes et Lybies multo plures erant quadrigis et equitibus et multitudine nimia quos cum Domino credidisses tradidit in manu tua

2Ch 16:9

2Ch 16:9oculi enim eius contemplantur universam terram et praebent fortitudinem his qui corde perfecto credunt in eum stulte igitur egisti et propter hoc ex praesenti tempore contra te bella consurgent

2Ch 16:10

2Ch 16:10iratusque Asa adversus videntem iussit eum mitti in nervum valde quippe super hoc fuerat indignatus et interfecit de populo in tempore illo plurimos

(1Ki 15:23, 24 )

2Ch 16:11

2Ch 16:11opera autem Asa prima et novissima scripta sunt in libro regum Iuda et Israhel

2Ch 16:12

2Ch 16:12aegrotavit etiam Asa anno tricesimo nono regni sui dolore pedum vehementissimo et nec in infirmitate sua quaesivit Dominum sed magis in medicorum arte confisus est

2Ch 16:13

2Ch 16:13dormivitque cum patribus suis et mortuus est anno quadragesimo primo regni sui

2Ch 16:14

2Ch 16:14et sepelierunt eum in sepulchro suo quod foderat sibi in civitate David posueruntque eum super lectulum suum plenum aromatibus et unguentis meretriciis quae erant pigmentariorum arte confecta et conbuserunt super eum ambitione nimia

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.