1 Timotheum (1 Timothy) 5 :: Latin Vulgate (VUL)

1Ti 5:1seniorem ne increpaveris sed obsecra ut patrem iuvenes ut fratres

1Ti 5:2anus ut matres iuvenculas ut sorores in omni castitate

1Ti 5:3viduas honora quae vere viduae sunt

1Ti 5:4si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo

1Ti 5:5

1Ti 5:5quae autem vere vidua est et desolata speravit in Deum et instat obsecrationibus et orationibus nocte ac die

1Ti 5:6

1Ti 5:6nam quae in deliciis est vivens mortua est

1Ti 5:7

1Ti 5:7et hoc praecipe ut inreprehensibiles sint

1Ti 5:8

1Ti 5:8si quis autem suorum et maxime domesticorum curam non habet fidem negavit et est infideli deterior

1Ti 5:9

1Ti 5:9vidua eligatur non minus sexaginta annorum quae fuerit unius viri uxor

1Ti 5:10

1Ti 5:10in operibus bonis testimonium habens si filios educavit si hospitio recepit si sanctorum pedes lavit si tribulationem patientibus subministravit si omne opus bonum subsecuta est

1Ti 5:11

1Ti 5:11adulescentiores autem viduas devita cum enim luxuriatae fuerint in Christo nubere volunt

1Ti 5:12

1Ti 5:12habentes damnationem quia primam fidem irritam fecerunt

1Ti 5:13

1Ti 5:13simul autem et otiosae discunt circumire domos non solum otiosae sed et verbosae et curiosae loquentes quae non oportet

1Ti 5:14

1Ti 5:14volo ergo iuveniores nubere filios procreare matres familias esse nullam occasionem dare adversario maledicti gratia

1Ti 5:15

1Ti 5:15iam enim quaedam conversae sunt retro Satanan

1Ti 5:16

1Ti 5:16si qua fidelis habet viduas subministret illis et non gravetur ecclesia ut his quae vere viduae sunt sufficiat

1Ti 5:17

1Ti 5:17qui bene praesunt presbyteri duplici honore digni habeantur maxime qui laborant in verbo et doctrina

1Ti 5:18

1Ti 5:18dicit enim scriptura non infrenabis os bovi trituranti et dignus operarius mercede sua

1Ti 5:19

1Ti 5:19adversus presbyterum accusationem noli recipere nisi sub duobus et tribus testibus

1Ti 5:20

1Ti 5:20peccantes coram omnibus argue ut et ceteri timorem habeant

1Ti 5:21

1Ti 5:21testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

1Ti 5:22

1Ti 5:22manus cito nemini inposueris neque communicaveris peccatis alienis te ipsum castum custodi

1Ti 5:23

1Ti 5:23noli adhuc aquam bibere sed vino modico utere propter stomachum tuum et frequentes tuas infirmitates

1Ti 5:24

1Ti 5:24quorundam hominum peccata manifesta sunt praecedentia ad iudicium quosdam autem et subsequuntur

1Ti 5:25

1Ti 5:25similiter et facta bona manifesta sunt et quae aliter se habent abscondi non possunt

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.