1 Timotheum (1 Timothy) 4 :: Latin Vulgate (VUL)

1Ti 4:1

1Ti 4:1Spiritus autem manifeste dicit quia in novissimis temporibus discedent quidam a fide adtendentes spiritibus erroris et doctrinis daemoniorum

1Ti 4:2

1Ti 4:2in hypocrisi loquentium mendacium et cauteriatam habentium suam conscientiam

1Ti 4:3

1Ti 4:3prohibentium nubere abstinere a cibis quos Deus creavit ad percipiendum cum gratiarum actione fidelibus et his qui cognoverunt veritatem

1Ti 4:4

1Ti 4:4quia omnis creatura Dei bona et nihil reiciendum quod cum gratiarum actione percipitur

1Ti 4:5

1Ti 4:5sanctificatur enim per verbum Dei et orationem

1Ti 4:6

1Ti 4:6haec proponens fratribus bonus eris minister Christi Iesu enutritus verbis fidei et bonae doctrinae quam adsecutus es

1Ti 4:7

1Ti 4:7ineptas autem et aniles fabulas devita exerce te ipsum ad pietatem

1Ti 4:8

1Ti 4:8nam corporalis exercitatio ad modicum utilis est pietas autem ad omnia utilis est promissionem habens vitae quae nunc est et futurae

1Ti 4:9

1Ti 4:9fidelis sermo et omni acceptione dignus

1Ti 4:10

1Ti 4:10in hoc enim laboramus et maledicimur quia speravimus in Deum vivum qui est salvator omnium hominum maxime fidelium

1Ti 4:11

1Ti 4:11praecipe haec et doce

1Ti 4:12

1Ti 4:12nemo adulescentiam tuam contemnat sed exemplum esto fidelium in verbo in conversatione in caritate in fide in castitate

1Ti 4:13

1Ti 4:13dum venio adtende lectioni exhortationi doctrinae

1Ti 4:14

1Ti 4:14noli neglegere gratiam quae in te est quae data est tibi per prophetiam cum inpositione manuum presbyterii

1Ti 4:15

1Ti 4:15haec meditare in his esto ut profectus tuus manifestus sit omnibus

1Ti 4:16

1Ti 4:16adtende tibi et doctrinae insta in illis hoc enim faciens et te ipsum salvum facies et qui te audiunt

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.