1 Timotheum (1 Timothy) 2 :: Latin Vulgate (VUL)

1Ti 2:1obsecro igitur primo omnium fieri obsecrationes orationes postulationes gratiarum actiones pro omnibus hominibus

1Ti 2:2pro regibus et omnibus qui in sublimitate sunt ut quietam et tranquillam vitam agamus in omni pietate et castitate

1Ti 2:3

1Ti 2:3hoc enim bonum est et acceptum coram salutari nostro Deo

1Ti 2:4

1Ti 2:4qui omnes homines vult salvos fieri et ad agnitionem veritatis venire

1Ti 2:5

1Ti 2:5unus enim Deus unus et mediator Dei et hominum homo Christus Iesus

1Ti 2:6

1Ti 2:6qui dedit redemptionem semet ipsum pro omnibus testimonium temporibus suis

1Ti 2:7

1Ti 2:7in quo positus sum ego praedicator et apostolus veritatem dico non mentior doctor gentium in fide et veritate

1Ti 2:8

1Ti 2:8volo ergo viros orare in omni loco levantes puras manus sine ira et disceptatione

1Ti 2:9

1Ti 2:9similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa

1Ti 2:10

1Ti 2:10sed quod decet mulieres promittentes pietatem per opera bona

1Ti 2:11

1Ti 2:11mulier in silentio discat cum omni subiectione

1Ti 2:12

1Ti 2:12docere autem mulieri non permitto neque dominari in virum sed esse in silentio

1Ti 2:13

1Ti 2:13Adam enim primus formatus est deinde Eva

1Ti 2:14

1Ti 2:14et Adam non est seductus mulier autem seducta in praevaricatione fuit

1Ti 2:15

1Ti 2:15salvabitur autem per filiorum generationem si permanserint in fide et dilectione et sanctificatione cum sobrietate

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.