1 Thessalonicenses (1 Thessalonians) 4 :: Latin Vulgate (VUL)

1Th 4:1

1Th 4:1de cetero ergo fratres rogamus vos et obsecramus in Domino Iesu ut quemadmodum accepistis a nobis quomodo vos oporteat ambulare et placere Deo sicut et ambulatis ut abundetis magis

1Th 4:2

1Th 4:2scitis enim quae praecepta dederimus vobis per Dominum Iesum

1Th 4:3

1Th 4:3haec est enim voluntas Dei sanctificatio vestra

1Th 4:4

1Th 4:4ut abstineatis vos a fornicatione ut sciat unusquisque vestrum suum vas possidere in sanctificatione et honore

1Th 4:5

1Th 4:5non in passione desiderii sicut et gentes quae ignorant Deum

1Th 4:6

1Th 4:6ut ne quis supergrediatur neque circumveniat in negotio fratrem suum quoniam vindex est Dominus de his omnibus sicut et praediximus vobis et testificati sumus

1Th 4:7

1Th 4:7non enim vocavit nos Deus in inmunditia sed in sanctificatione

1Th 4:8

1Th 4:8itaque qui spernit non hominem spernit sed Deum qui etiam dedit Spiritum suum Sanctum in vobis

1Th 4:9

1Th 4:9de caritate autem fraternitatis non necesse habemus scribere vobis ipsi enim vos a Deo didicistis ut diligatis invicem

1Th 4:10

1Th 4:10etenim facitis illud in omnes fratres in universa Macedonia rogamus autem vos fratres ut abundetis magis

1Th 4:11

1Th 4:11et operam detis ut quieti sitis et ut vestrum negotium agatis et operemini manibus vestris sicut praecepimus vobis

1Th 4:12

1Th 4:12et ut honeste ambuletis ad eos qui foris sunt et nullius aliquid desideretis

1Th 4:13

1Th 4:13nolumus autem vos ignorare fratres de dormientibus ut non contristemini sicut et ceteri qui spem non habent

1Th 4:14

1Th 4:14si enim credimus quod Iesus mortuus est et resurrexit ita et Deus eos qui dormierunt per Iesum adducet cum eo

1Th 4:15

1Th 4:15hoc enim vobis dicimus in verbo Domini quia nos qui vivimus qui residui sumus in adventum Domini non praeveniemus eos qui dormierunt

1Th 4:16

1Th 4:16quoniam ipse Dominus in iussu et in voce archangeli et in tuba Dei descendet de caelo et mortui qui in Christo sunt resurgent primi

1Th 4:17

1Th 4:17deinde nos qui vivimus qui relinquimur simul rapiemur cum illis in nubibus obviam Domino in aera et sic semper cum Domino erimus

1Th 4:18

1Th 4:18itaque consolamini invicem in verbis istis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.