1 Thessalonicenses (1 Thessalonians) 2 :: Latin Vulgate (VUL)

(cf. Act 17:1–9 )

1Th 2:1nam ipsi scitis fratres introitum nostrum ad vos quia non inanis fuit

1Th 2:2sed ante passi et contumeliis affecti sicut scitis in Philippis fiduciam habuimus in Deo nostro loqui ad vos evangelium Dei in multa sollicitudine

1Th 2:3

1Th 2:3exhortatio enim nostra non de errore neque de inmunditia neque in dolo

1Th 2:4

1Th 2:4sed sicut probati sumus a Deo ut crederetur nobis evangelium ita loquimur non quasi hominibus placentes sed Deo qui probat corda nostra

1Th 2:5

1Th 2:5neque enim aliquando fuimus in sermone adulationis sicut scitis neque in occasione avaritiae Deus testis est

1Th 2:6

1Th 2:6nec quaerentes ab hominibus gloriam neque a vobis neque ab aliis

1Th 2:7

1Th 2:7cum possimus oneri esse ut Christi apostoli sed facti sumus lenes in medio vestrum tamquam si nutrix foveat filios suos

1Th 2:8

1Th 2:8ita desiderantes vos cupide volebamus tradere vobis non solum evangelium Dei sed etiam animas nostras quoniam carissimi nobis facti estis

1Th 2:9

1Th 2:9memores enim estis fratres laborem nostrum et fatigationem nocte et die operantes ne quem vestrum gravaremus praedicavimus in vobis evangelium Dei

1Th 2:10

1Th 2:10vos testes estis et Deus quam sancte et iuste et sine querella vobis qui credidistis fuimus

1Th 2:11

1Th 2:11sicut scitis qualiter unumquemque vestrum tamquam pater filios suos

1Th 2:12

1Th 2:12deprecantes vos et consolantes testificati sumus ut ambularetis digne Deo qui vocavit vos in suum regnum et gloriam

1Th 2:13

1Th 2:13ideo et nos gratias agimus Deo sine intermissione quoniam cum accepissetis a nobis verbum auditus Dei accepistis non ut verbum hominum sed sicut est vere verbum Dei qui operatur in vobis qui credidistis

1Th 2:14

1Th 2:14vos enim imitatores facti estis fratres ecclesiarum Dei quae sunt in Iudaea in Christo Iesu quia eadem passi estis et vos a contribulibus vestris sicut et ipsi a Iudaeis

1Th 2:15

1Th 2:15qui et Dominum occiderunt Iesum et prophetas et nos persecuti sunt et Deo non placent et omnibus hominibus adversantur

1Th 2:16

1Th 2:16prohibentes nos gentibus loqui ut salvae fiant ut impleant peccata sua semper praevenit autem ira Dei super illos usque in finem

1Th 2:17

1Th 2:17nos autem fratres desolati a vobis ad tempus horae aspectu non corde abundantius festinavimus faciem vestram videre cum multo desiderio

1Th 2:18

1Th 2:18quoniam voluimus venire ad vos ego quidem Paulus et semel et iterum et inpedivit nos Satanas

1Th 2:19

1Th 2:19quae est enim nostra spes aut gaudium aut corona gloriae nonne vos ante Dominum nostrum Iesum estis in adventu eius

1Th 2:20

1Th 2:20vos enim estis gloria nostra et gaudium

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.