Previous Chapter Full Page Full Page Next Chapter

1 Samuelis (1 Samuel) 12 :: Latin Vulgate (VUL)

1Sa 12:1

1Sa 12:1dixit autem Samuhel ad universum Israhel ecce audivi vocem vestram iuxta omnia quae locuti estis ad me et constitui super vos regem

1Sa 12:2

1Sa 12:2et nunc rex graditur ante vos ego autem senui et incanui porro filii mei vobiscum sunt itaque conversatus coram vobis ab adulescentia mea usque ad diem hanc ecce praesto sum

1Sa 12:3

1Sa 12:3loquimini de me coram Domino et coram christo eius utrum bovem cuiusquam tulerim an asinum si quempiam calumniatus sum si oppressi aliquem si de manu cuiusquam munus accepi et contemnam illud hodie restituamque vobis

1Sa 12:4

1Sa 12:4et dixerunt non es calumniatus nos neque oppressisti neque tulisti de manu alicuius quippiam

1Sa 12:5

1Sa 12:5dixitque ad eos testis Dominus adversus vos et testis christus eius in die hac quia non inveneritis in manu mea quippiam et dixerunt testis

1Sa 12:6

1Sa 12:6et ait Samuhel ad populum Dominus qui fecit Mosen et Aaron et eduxit patres nostros de terra Aegypti

1Sa 12:7

1Sa 12:7nunc ergo state ut iudicio contendam adversum vos coram Domino de omnibus misericordiis Domini quas fecit vobiscum et cum patribus vestris

1Sa 12:8

1Sa 12:8quomodo ingressus est Iacob in Aegyptum et clamaverunt patres vestri ad Dominum et misit Dominus Mosen et Aaron et eduxit patres vestros ex Aegypto et conlocavit eos in loco hoc

1Sa 12:9

1Sa 12:9qui obliti sunt Domini Dei sui et tradidit eos in manu Sisarae magistri militiae Asor et in manu Philisthinorum et in manu regis Moab et pugnaverunt adversum eos

1Sa 12:10

1Sa 12:10postea autem clamaverunt ad Dominum et dixerunt peccavimus quia dereliquimus Dominum et servivimus Baalim et Astharoth nunc ergo erue nos de manu inimicorum nostrorum et serviemus tibi

1Sa 12:11

1Sa 12:11et misit Dominus Hierobaal et Bedan et Ieptha et Samuhel et eruit vos de manu inimicorum vestrorum per circuitum et habitastis confidenter

1Sa 12:12

1Sa 12:12videntes autem quod Naas rex filiorum Ammon venisset adversum vos dixistis mihi nequaquam sed rex imperabit nobis cum Dominus Deus vester regnaret in vobis

1Sa 12:13

1Sa 12:13nunc ergo praesto est rex vester quem elegistis et petistis ecce dedit vobis Dominus regem

1Sa 12:14

1Sa 12:14si timueritis Dominum et servieritis ei et audieritis vocem eius et non exasperaveritis os Domini eritis et vos et rex qui imperat vobis sequentes Dominum Deum vestrum

1Sa 12:15

1Sa 12:15si autem non audieritis vocem Domini sed exasperaveritis sermonem Domini erit manus Domini super vos et super patres vestros

1Sa 12:16

1Sa 12:16sed et nunc state et videte rem istam grandem quam facturus est Dominus in conspectu vestro

1Sa 12:17

1Sa 12:17numquid non messis tritici est hodie invocabo Dominum et dabit voces et pluvias et scietis et videbitis quia grande malum feceritis vobis in conspectu Domini petentes super vos regem

1Sa 12:18

1Sa 12:18et clamavit Samuhel ad Dominum et dedit Dominus voces et pluviam in die illa

1Sa 12:19

1Sa 12:19et timuit omnis populus nimis Dominum et Samuhelem dixitque universus populus ad Samuhel ora pro servis tuis ad Dominum Deum tuum ut non moriamur addidimus enim universis peccatis nostris malum ut peteremus nobis regem

1Sa 12:20

1Sa 12:20dixit autem Samuhel ad populum nolite timere vos fecistis universum malum hoc verumtamen nolite recedere a tergo Domini et servite Domino in omni corde vestro

1Sa 12:21

1Sa 12:21et nolite declinare post vana quae non proderunt vobis neque eruent vos quia vana sunt

1Sa 12:22

1Sa 12:22et non derelinquet Dominus populum suum propter nomen suum magnum quia iuravit Dominus facere vos sibi populum

1Sa 12:23

1Sa 12:23absit autem a me hoc peccatum in Domino ut cessem orare pro vobis et docebo vos viam bonam et rectam

1Sa 12:24

1Sa 12:24igitur timete Dominum et servite ei in veritate et ex toto corde vestro vidistis enim magnifica quae in vobis gesserit

1Sa 12:25

1Sa 12:25quod si perseveraveritis in malitia et vos et rex vester pariter peribitis
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.