1 Petri (1 Peter) 5 :: Latin Vulgate (VUL)

1Pe 5:1

1Pe 5:1seniores ergo qui in vobis sunt obsecro consenior et testis Christi passionum qui et eius quae in futuro revelanda est gloriae communicator

1Pe 5:2

1Pe 5:2pascite qui est in vobis gregem Dei providentes non coacto sed spontanee secundum Deum neque turpis lucri gratia sed voluntarie

1Pe 5:3

1Pe 5:3neque ut dominantes in cleris sed formae facti gregi et ex animo

1Pe 5:4

1Pe 5:4et cum apparuerit princeps pastorum percipietis inmarcescibilem gloriae coronam

1Pe 5:5

1Pe 5:5similiter adulescentes subditi estote senioribus omnes autem invicem humilitatem insinuate quia Deus superbis resistit humilibus autem dat gratiam

1Pe 5:6

1Pe 5:6humiliamini igitur sub potenti manu Dei ut vos exaltet in tempore visitationis

1Pe 5:7

1Pe 5:7omnem sollicitudinem vestram proicientes in eum quoniam ipsi cura est de vobis

1Pe 5:8

1Pe 5:8sobrii estote vigilate quia adversarius vester diabolus tamquam leo rugiens circuit quaerens quem devoret

1Pe 5:9

1Pe 5:9cui resistite fortes fide scientes eadem passionum ei quae in mundo est vestrae fraternitati fieri

1Pe 5:10

1Pe 5:10Deus autem omnis gratiae qui vocavit nos in aeternam suam gloriam in Christo Iesu modicum passos ipse perficiet confirmabit solidabit

1Pe 5:11

1Pe 5:11ipsi imperium in saecula saeculorum amen

1Pe 5:12

1Pe 5:12per Silvanum vobis fidelem fratrem ut arbitror breviter scripsi obsecrans et contestans hanc esse veram gratiam Dei in qua state

1Pe 5:13

1Pe 5:13salutat vos quae est in Babylone cumelecta et Marcus filius meus

1Pe 5:14

1Pe 5:14salutate invicem in osculo sancto gratia vobis omnibus qui estis in Christo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.