1 Regum (1 Kings) 9 :: Latin Vulgate (VUL)

(2Ch 7:12–22 )

1Ki 9:1factum est autem cum perfecisset Salomon aedificium domus Domini et aedificium regis et omne quod optaverat et voluerat facere

1Ki 9:2

1Ki 9:2apparuit Dominus ei secundo sicut apparuerat ei in Gabaon

1Ki 9:3

1Ki 9:3dixitque Dominus ad eum exaudivi orationem tuam et deprecationem tuam qua deprecatus es coram me sanctificavi domum hanc quam aedificasti ut ponerem nomen meum ibi in sempiternum et erunt oculi mei et cor meum ibi cunctis diebus

1Ki 9:4

1Ki 9:4tu quoque si ambulaveris coram me sicut ambulavit pater tuus in simplicitate cordis et in aequitate et feceris omnia quae praecepi tibi et legitima mea et iudicia mea servaveris

1Ki 9:5

1Ki 9:5ponam thronum regni tui super Israhel in sempiternum sicut locutus sum David patri tuo dicens non auferetur de genere tuo vir de solio Israhel

1Ki 9:6

1Ki 9:6si autem aversione aversi fueritis vos et filii vestri non sequentes me nec custodientes mandata mea et caerimonias quas proposui vobis sed abieritis et colueritis deos alienos et adoraveritis eos

1Ki 9:7

1Ki 9:7auferam Israhel de superficie terrae quam dedi eis et templum quod sanctificavi nomini meo proiciam a conspectu meo eritque Israhel in proverbium et in fabulam cunctis populis

1Ki 9:8

1Ki 9:8et domus haec erit in exemplum omnis qui transierit per eam stupebit et sibilabit et dicet quare fecit Dominus sic terrae huic et domui huic

1Ki 9:9

1Ki 9:9et respondebunt quia dereliquerunt Dominum Deum suum qui eduxit patres eorum de terra Aegypti et secuti sunt deos alienos et adoraverunt eos et coluerunt idcirco induxit Dominus super eos omne malum hoc

1Ki 9:10

1Ki 9:10expletis autem annis viginti postquam aedificaverat Salomon duas domos id est domum Domini et domum regis

1Ki 9:11

1Ki 9:11Hiram rege Tyri praebente Salomoni ligna cedrina et abiegna et aurum iuxta omne quod opus habuerat tunc dedit Salomon Hiram viginti oppida in terra Galileae

1Ki 9:12

1Ki 9:12egressusque est Hiram de Tyro ut videret oppida quae dederat ei Salomon et non placuerunt ei

1Ki 9:13

1Ki 9:13et ait haecine sunt civitates quas dedisti mihi frater et appellavit eas terram Chabul usque in diem hanc

1Ki 9:14

1Ki 9:14misit quoque Hiram ad regem centum viginti talenta auri

(2Ch 8:3–16 )

1Ki 9:15

1Ki 9:15haec est summa expensarum quam obtulit rex Salomon ad aedificandam domum Domini et domum suam et Mello et murum Hierusalem et Eser et Mageddo et Gazer

1Ki 9:16

1Ki 9:16Pharao rex Aegypti ascendit et cepit Gazer succenditque eam igni et Chananeum qui habitabat in civitate interfecit et dedit eam in dote filiae suae uxori Salomonis

1Ki 9:17

1Ki 9:17aedificavit ergo Salomon Gazer et Bethoron inferiorem

1Ki 9:18

1Ki 9:18et Baalath et Palmyram in terra solitudinis

1Ki 9:19

1Ki 9:19et omnes vicos qui ad se pertinebant et erant absque muro munivit et civitates curruum et civitates equitum et quodcumque ei placuit ut aedificaret in Hierusalem et in Libano et in omni terra potestatis suae

1Ki 9:20

1Ki 9:20universum populum qui remanserat de Amorreis et Hettheis et Ferezeis et Eveis et Iebuseis qui non sunt de filiis Israhel

1Ki 9:21

1Ki 9:21horum filios qui remanserant in terra quos scilicet non potuerant filii Israhel exterminare fecit Salomon tributarios usque ad diem hanc

1Ki 9:22

1Ki 9:22de filiis autem Israhel non constituit Salomon servire quemquam sed erant viri bellatores et ministri eius et principes et duces et praefecti curruum et equorum

1Ki 9:23

1Ki 9:23erant autem principes super omnia opera Salomonis praepositi quingenti quinquaginta qui habebant subiectum populum et statutis operibus imperabant

1Ki 9:24

1Ki 9:24filia autem Pharaonis ascendit de civitate David in domum suam quam aedificaverat ei tunc aedificavit Mello

1Ki 9:25

1Ki 9:25offerebat quoque Salomon tribus vicibus per annos singulos holocausta et pacificas victimas super altare quod aedificaverat Domino et adolebat thymiama coram Domino perfectumque est templum

1Ki 9:26

1Ki 9:26classem quoque fecit rex Salomon in Asiongaber quae est iuxta Ahilam in litore maris Rubri in terra Idumea

1Ki 9:27

1Ki 9:27misitque Hiram in classe illa servos suos viros nauticos et gnaros maris cum servis Salomonis

1Ki 9:28

1Ki 9:28qui cum venissent in Ophir sumptum inde aurum quadringentorum viginti talentorum detulerunt ad regem Salomonem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.