1 Regum (1 Kings) 8 (VUL) - tunc congregavit omnes maiores natu

¶

1Ki 8:1tunc congregavit omnes maiores natu Israhel cum principibus tribuum et duces familiarum filiorum Israhel ad regem Salomonem in Hierusalem ut deferrent arcam foederis Domini de civitate David id est de Sion

1Ki 8:2

1Ki 8:2convenitque ad regem Salomonem universus Israhel in mense hethanim in sollemni die ipse est mensis septimus

1Ki 8:3

1Ki 8:3veneruntque cuncti senes ex Israhel et tulerunt sacerdotes arcam

1Ki 8:4

1Ki 8:4et portaverunt arcam Domini et tabernaculum foederis et omnia vasa sanctuarii quae erant in tabernaculo et ferebant ea sacerdotes et Levitae

1Ki 8:5

1Ki 8:5rex autem Salomon et omnis multitudo Israhel quae convenerat ad eum gradiebatur cum illo ante arcam et immolabant oves et boves absque aestimatione et numero

1Ki 8:6

1Ki 8:6et intulerunt sacerdotes arcam foederis Domini in locum suum in oraculum templi in sanctum sanctorum subter alas cherubin

1Ki 8:7

1Ki 8:7siquidem cherubin expandebant alas super locum arcae et protegebant arcam et vectes eius desuper

1Ki 8:8

1Ki 8:8cumque eminerent vectes et apparerent summitates eorum foris sanctuarium ante oraculum non apparebant ultra extrinsecus qui et fuerunt ibi usque in praesentem diem

1Ki 8:9

1Ki 8:9in arca autem non est aliud nisi duae tabulae lapideae quas posuerat in ea Moses in Horeb quando pepigit foedus Dominus cum filiis Israhel cum egrederentur de terra Aegypti

1Ki 8:10

¶

1Ki 8:10factum est autem cum exissent sacerdotes de sanctuario nebula implevit domum Domini

1Ki 8:11

1Ki 8:11et non poterant sacerdotes stare et ministrare propter nebulam impleverat enim gloria Domini domum Domini

1Ki 8:12

¶

1Ki 8:12tunc ait Salomon Dominus dixit ut habitaret in nebula

1Ki 8:13

1Ki 8:13aedificans aedificavi domum in habitaculum tuum firmissimum solium tuum in sempiternum

1Ki 8:14

¶

1Ki 8:14convertitque rex faciem suam et benedixit omni ecclesiae Israhel omnis enim ecclesia Israhel stabat

1Ki 8:15

1Ki 8:15et ait benedictus Dominus Deus Israhel qui locutus est ore suo ad David patrem meum et in manibus eius perfecit dicens

1Ki 8:16

1Ki 8:16a die qua eduxi populum meum Israhel de Aegypto non elegi civitatem de universis tribubus Israhel ut aedificaretur domus et esset nomen meum ibi sed elegi David ut esset super populum meum Israhel

1Ki 8:17

1Ki 8:17voluitque David pater meus aedificare domum nomini Domini Dei Israhel

1Ki 8:18

1Ki 8:18et ait Dominus ad David patrem meum quod cogitasti in corde tuo aedificare domum nomini meo bene fecisti hoc ipsum mente tractans

1Ki 8:19

1Ki 8:19verumtamen tu non aedificabis domum sed filius tuus qui egredietur de renibus tuis ipse aedificabit domum nomini meo

1Ki 8:20

1Ki 8:20confirmavit Dominus sermonem suum quem locutus est stetique pro David patre meo et sedi super thronum Israhel sicut locutus est Dominus et aedificavi domum nomini Domini Dei Israhel

1Ki 8:21

1Ki 8:21et constitui ibi locum arcae in qua foedus est Domini quod percussit cum patribus nostris quando egressi sunt de terra Aegypti

1Ki 8:22

¶

1Ki 8:22stetit autem Salomon ante altare Domini in conspectu ecclesiae Israhel et expandit manus suas in caelum

1Ki 8:23

1Ki 8:23et ait Domine Deus Israhel non est similis tui Deus in caelo desuper et super terra deorsum qui custodis pactum et misericordiam servis tuis qui ambulant coram te in toto corde suo

1Ki 8:24

1Ki 8:24qui custodisti servo tuo David patri meo quae locutus es ei ore locutus es et manibus perfecisti ut et haec dies probat

1Ki 8:25

1Ki 8:25nunc igitur Domine Deus Israhel conserva famulo tuo David patri meo quae locutus es ei dicens non auferetur de te vir coram me qui sedeat super thronum Israhel ita tamen si custodierint filii tui viam suam ut ambulent coram me sicut tu ambulasti in conspectu meo

1Ki 8:26

1Ki 8:26et nunc Deus Israhel firmentur verba tua quae locutus es servo tuo David patri meo

1Ki 8:27

¶

1Ki 8:27ergone putandum est quod vere Deus habitet super terram si enim caelum et caeli caelorum te capere non possunt quanto magis domus haec quam aedificavi

1Ki 8:28

1Ki 8:28sed respice ad orationem servi tui et ad preces eius Domine Deus meus audi hymnum et orationem quam servus tuus orat coram te hodie

1Ki 8:29

1Ki 8:29ut sint oculi tui aperti super domum hanc nocte et die super domum de qua dixisti erit nomen meum ibi ut exaudias orationem qua orat te servus tuus in loco isto

1Ki 8:30

1Ki 8:30ut exaudias deprecationem servi tui et populi tui Israhel quodcumque oraverint in loco isto et exaudies in loco habitaculi tui in caelo et cum exaudieris propitius eris

1Ki 8:31

¶

1Ki 8:31si peccaverit homo in proximum suum et habuerit aliquod iuramentum quo teneatur adstrictus et venerit propter iuramentum coram altari tuo in domum tuam

1Ki 8:32

1Ki 8:32tu exaudies in caelo et facies et iudicabis servos tuos condemnans impium et reddens viam suam super caput eius iustificansque iustum et retribuens ei secundum iustitiam suam

1Ki 8:33

¶

1Ki 8:33si fugerit populus tuus Israhel inimicos suos quia peccaturus est tibi et agentes paenitentiam et confitentes nomini tuo venerint et oraverint et deprecati te fuerint in domo hac

1Ki 8:34

1Ki 8:34exaudi in caelo et dimitte peccatum populi tui Israhel et reduces eos in terram quam dedisti patribus eorum

1Ki 8:35

¶

1Ki 8:35si clausum fuerit caelum et non pluerit propter peccata eorum et orantes in loco isto paenitentiam egerint nomini tuo et a peccatis suis conversi fuerint propter adflictionem suam

1Ki 8:36

1Ki 8:36exaudi eos in caelo et dimitte peccata servorum tuorum et populi tui Israhel et ostende eis viam bonam per quam ambulent et da pluviam super terram tuam quam dedisti populo tuo in possessionem

1Ki 8:37

¶

1Ki 8:37fames si oborta fuerit in terra aut pestilentia aut corruptus aer aurugo lucusta rubigo et adflixerit eum et inimicus eius portas obsidens omnis plaga universa infirmitas

1Ki 8:38

1Ki 8:38cuncta devotatio et inprecatio quae acciderit omni homini de populo tuo Israhel si quis cognoverit plagam cordis sui et expanderit manus suas in domo hac

1Ki 8:39

1Ki 8:39tu audies in caelo in loco habitationis tuae et repropitiaberis et facies ut des unicuique secundum omnes vias suas sicut videris cor eius quia tu nosti solus cor omnium filiorum hominum

1Ki 8:40

1Ki 8:40ut timeant te cunctis diebus quibus vivunt super faciem terrae quam dedisti patribus nostris

1Ki 8:41

¶

1Ki 8:41insuper et alienigena qui non est de populo tuo Israhel cum venerit de terra longinqua propter nomen tuum audietur enim nomen tuum magnum et manus tua fortis et brachium tuum

1Ki 8:42

1Ki 8:42extentum ubique cum venerit ergo et oraverit in loco hoc

1Ki 8:43

1Ki 8:43tu exaudies in caelo in firmamento habitaculi tui et facies omnia pro quibus invocaverit te alienigena ut discant universi populi terrarum nomen tuum timere sicut populus tuus Israhel et probent quia nomen tuum invocatum est super domum hanc quam aedificavi

1Ki 8:44

¶

1Ki 8:44si egressus fuerit populus tuus ad bellum contra inimicos suos per viam quocumque miseris eos orabunt te contra viam civitatis quam elegisti et contra domum quam aedificavi nomini tuo

1Ki 8:45

1Ki 8:45et exaudies in caelo orationem eorum et preces eorum et facies iudicium eorum

1Ki 8:46

¶

1Ki 8:46quod si peccaverint tibi non est enim homo qui non peccet et iratus tradideris eos inimicis suis et capti ducti fuerint in terram inimicorum longe vel prope

1Ki 8:47

1Ki 8:47et egerint paenitentiam in corde suo in loco captivitatis et conversi deprecati te fuerint in captivitate sua dicentes peccavimus inique egimus impie gessimus

1Ki 8:48

1Ki 8:48et reversi fuerint ad te in universo corde suo et tota anima sua in terra inimicorum suorum ad quam captivi ducti sunt et oraverint te contra viam terrae suae quam dedisti patribus eorum et civitatis quam elegisti et templi quod aedificavi nomini tuo

1Ki 8:49

1Ki 8:49exaudies in caelo in firmamento solii tui orationem eorum et preces et facies iudicium eorum

1Ki 8:50

1Ki 8:50et propitiaberis populo tuo qui peccavit tibi et omnibus iniquitatibus eorum quibus praevaricati sunt in te et dabis misericordiam coram eis qui eos captivos habuerint ut misereantur eis

1Ki 8:51

1Ki 8:51populus enim tuus est et hereditas tua quos eduxisti de terra Aegypti de medio fornacis ferreae

1Ki 8:52

1Ki 8:52ut sint oculi tui aperti ad deprecationem servi tui et populi tui Israhel et exaudias eos in universis pro quibus invocaverint te

1Ki 8:53

1Ki 8:53tu enim separasti eos tibi in hereditatem de universis populis terrae sicut locutus es per Mosen servum tuum quando eduxisti patres nostros de Aegypto Domine Deus

1Ki 8:54

¶

1Ki 8:54factum est autem cum conplesset Salomon orans Dominum omnem orationem et deprecationem hanc surrexit de conspectu altaris Domini utrumque enim genu in terram fixerat et manus expanderat ad caelum

1Ki 8:55

1Ki 8:55stetit ergo et benedixit omni ecclesiae Israhel voce magna dicens

1Ki 8:56

1Ki 8:56benedictus Dominus qui dedit requiem populo suo Israhel iuxta omnia quae locutus est non cecidit ne unus quidem sermo ex omnibus bonis quae locutus est per Mosen servum suum

1Ki 8:57

1Ki 8:57sit Dominus Deus noster nobiscum sicut fuit cum patribus nostris non derelinquens nos neque proiciens

1Ki 8:58

1Ki 8:58sed inclinet corda nostra ad se ut ambulemus in universis viis eius et custodiamus mandata eius et caerimonias et iudicia quaecumque mandavit patribus nostris

1Ki 8:59

1Ki 8:59et sint sermones mei isti quibus deprecatus sum coram Domino adpropinquantes Domino Deo nostro die et nocte ut faciat iudicium servo suo et populo suo Israhel per singulos dies

1Ki 8:60

1Ki 8:60et sciant omnes populi terrae quia Dominus ipse est Deus et non est ultra absque eo

1Ki 8:61

1Ki 8:61sit quoque cor nostrum perfectum cum Domino Deo nostro ut ambulemus in decretis eius et custodiamus mandata eius sicut et hodie

1Ki 8:62

¶

1Ki 8:62igitur rex et omnis Israhel cum eo immolabant victimas coram Domino

1Ki 8:63

1Ki 8:63mactavitque Salomon hostias pacificas quas immolavit Domino boum viginti duo milia ovium centum viginti milia et dedicaverunt templum Domini rex et filii Israhel

1Ki 8:64

1Ki 8:64in die illa sanctificavit rex medium atrii quod erat ante domum Domini fecit quippe ibi holocaustum et sacrificium et adipem pacificorum quia altare aereum quod erat coram Domino minus erat et capere non poterat holocausta et sacrificium et adipem pacificorum

1Ki 8:65

¶

1Ki 8:65fecit ergo Salomon in tempore illo festivitatem celebrem et omnis Israhel cum eo multitudo magna ab introitu Emath usque ad rivum Aegypti coram Domino Deo nostro septem diebus et septem diebus id est quattuordecim diebus

1Ki 8:66

1Ki 8:66et in die octava dimisit populos qui benedicentes regi profecti sunt in tabernacula sua laetantes et alacri corde super omnibus bonis quae fecerat Dominus David servo suo et Israhel populo suo

1 Regum (1 Kings) 8 :: Latin Vulgate (VUL)