1 Ioannis (1 John) 5 :: Latin Vulgate (VUL)

1Jo 5:1

1Jo 5:1omnis qui credit quoniam Iesus est Christus ex Deo natus est et omnis qui diligit eum qui genuit diligit eum qui natus est ex eo

1Jo 5:2

1Jo 5:2in hoc cognoscimus quoniam diligimus natos Dei cum Deum diligamus et mandata eius faciamus

1Jo 5:3

1Jo 5:3haec est enim caritas Dei ut mandata eius custodiamus et mandata eius gravia non sunt

1Jo 5:4

1Jo 5:4quoniam omne quod natum est ex Deo vincit mundum et haec est victoria quae vincit mundum fides nostra

1Jo 5:5

1Jo 5:5quis est qui vincit mundum nisi qui credit quoniam Iesus est Filius Dei

1Jo 5:6

1Jo 5:6hic est qui venit per aquam et sanguinem Iesus Christus non in aqua solum sed in aqua et sanguine et Spiritus est qui testificatur quoniam Christus est veritas

1Jo 5:7

1Jo 5:7quia tres sunt qui testimonium dant

1Jo 5:8

1Jo 5:8Spiritus et aqua et sanguis et tres unum sunt

1Jo 5:9

1Jo 5:9si testimonium hominum accipimus testimonium Dei maius est quoniam hoc est testimonium Dei quod maius est quia testificatus est de Filio suo

1Jo 5:10

1Jo 5:10qui credit in Filio Dei habet testimonium Dei in se qui non credit Filio mendacem facit eum quoniam non credidit in testimonio quod testificatus est Deus de Filio suo

1Jo 5:11

1Jo 5:11et hoc est testimonium quoniam vitam aeternam dedit nobis Deus et haec vita in Filio eius est

1Jo 5:12

1Jo 5:12qui habet Filium habet vitam qui non habet Filium Dei vitam non habet

1Jo 5:13

1Jo 5:13haec scripsi vobis ut sciatis quoniam vitam habetis aeternam qui creditis in nomine Filii Dei

1Jo 5:14

1Jo 5:14et haec est fiducia quam habemus ad eum quia quodcumque petierimus secundum voluntatem eius audit nos

1Jo 5:15

1Jo 5:15et scimus quoniam audit nos quicquid petierimus scimus quoniam habemus petitiones quas postulavimus ab eo

1Jo 5:16

1Jo 5:16qui scit fratrem suum peccare peccatum non ad mortem petet et dabit ei vitam peccantibus non ad mortem est peccatum ad mortem non pro illo dico ut roget

1Jo 5:17

1Jo 5:17omnis iniquitas peccatum est et est peccatum non ad mortem

1Jo 5:18

1Jo 5:18scimus quoniam omnis qui natus est ex Deo non peccat sed generatio Dei conservat eum et malignus non tangit eum

1Jo 5:19

1Jo 5:19scimus quoniam ex Deo sumus et mundus totus in maligno positus est

1Jo 5:20

1Jo 5:20et scimus quoniam Filius Dei venit et dedit nobis sensum ut cognoscamus verum Deum et simus in vero Filio eius hic est verus Deus et vita aeterna

1Jo 5:21

1Jo 5:21filioli custodite vos a simulacris

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.