1 Ioannis (1 John) 4 :: Latin Vulgate (VUL)

1Jo 4:1

1Jo 4:1carissimi nolite omni spiritui credere sed probate spiritus si ex Deo sint quoniam multi pseudoprophetae exierunt in mundum

1Jo 4:2

1Jo 4:2in hoc cognoscitur Spiritus Dei omnis spiritus qui confitetur Iesum Christum in carne venisse ex Deo est

1Jo 4:3

1Jo 4:3et omnis spiritus qui solvit Iesum ex Deo non est et hoc est antichristi quod audistis quoniam venit et nunc iam in mundo est

1Jo 4:4

1Jo 4:4vos ex Deo estis filioli et vicistis eos quoniam maior est qui in vobis est quam qui in mundo

1Jo 4:5

1Jo 4:5ipsi de mundo sunt ideo de mundo loquuntur et mundus eos audit

1Jo 4:6

1Jo 4:6nos ex Deo sumus qui novit Deum audit nos qui non est ex Deo non audit nos in hoc cognoscimus Spiritum veritatis et spiritum erroris

(cf. Jhn 3:16 )

1Jo 4:7

1Jo 4:7carissimi diligamus invicem quoniam caritas ex Deo est et omnis qui diligit ex Deo natus est et cognoscit Deum

1Jo 4:8

1Jo 4:8qui non diligit non novit Deum quoniam Deus caritas est

1Jo 4:9

1Jo 4:9in hoc apparuit caritas Dei in nobis quoniam Filium suum unigenitum misit Deus in mundum ut vivamus per eum

1Jo 4:10

1Jo 4:10in hoc est caritas non quasi nos dilexerimus Deum sed quoniam ipse dilexit nos et misit Filium suum propitiationem pro peccatis nostris

1Jo 4:11

1Jo 4:11carissimi si sic Deus dilexit nos et nos debemus alterutrum diligere

1Jo 4:12

1Jo 4:12Deum nemo vidit umquam si diligamus invicem Deus in nobis manet et caritas eius in nobis perfecta est

1Jo 4:13

1Jo 4:13in hoc intellegimus quoniam in eo manemus et ipse in nobis quoniam de Spiritu suo dedit nobis

1Jo 4:14

1Jo 4:14et nos vidimus et testificamur quoniam Pater misit Filium salvatorem mundi

1Jo 4:15

1Jo 4:15quisque confessus fuerit quoniam Iesus est Filius Dei Deus in eo manet et ipse in Deo

1Jo 4:16

1Jo 4:16et nos cognovimus et credidimus caritati quam habet Deus in nobis Deus caritas est et qui manet in caritate in Deo manet et Deus in eo

1Jo 4:17

1Jo 4:17in hoc perfecta est caritas nobiscum ut fiduciam habeamus in die iudicii quia sicut ille est et nos sumus in hoc mundo

1Jo 4:18

1Jo 4:18timor non est in caritate sed perfecta caritas foras mittit timorem quoniam timor poenam habet qui autem timet non est perfectus in caritate

1Jo 4:19

1Jo 4:19nos ergo diligamus quoniam Deus prior dilexit nos

1Jo 4:20

1Jo 4:20si quis dixerit quoniam diligo Deum et fratrem suum oderit mendax est qui enim non diligit fratrem suum quem vidit Deum quem non vidit quomodo potest diligere

1Jo 4:21

1Jo 4:21et hoc mandatum habemus ab eo ut qui diligit Deum diligat et fratrem suum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.