1 Corinthios (1 Corinthians) 6 :: Latin Vulgate (VUL)

1Co 6:1audet aliquis vestrum habens negotium adversus alterum iudicari apud iniquos et non apud sanctos

1Co 6:2an nescitis quoniam sancti de mundo iudicabunt et si in vobis iudicabitur mundus indigni estis qui de minimis iudicetis

1Co 6:3

1Co 6:3nescitis quoniam angelos iudicabimus quanto magis saecularia

1Co 6:4

1Co 6:4saecularia igitur iudicia si habueritis contemptibiles qui sunt in ecclesia illos constituite ad iudicandum

1Co 6:5

1Co 6:5ad verecundiam vestram dico sic non est inter vos sapiens quisquam qui possit iudicare inter fratrem suum

1Co 6:6

1Co 6:6sed frater cum fratre iudicio contendit et hoc apud infideles

1Co 6:7

1Co 6:7iam quidem omnino delictum est in vobis quod iudicia habetis inter vos quare non magis iniuriam accipitis quare non magis fraudem patimini

1Co 6:8

1Co 6:8sed vos iniuriam facitis et fraudatis et hoc fratribus

1Co 6:9

1Co 6:9an nescitis quia iniqui regnum Dei non possidebunt nolite errare neque fornicarii neque idolis servientes neque adulteri

1Co 6:10

1Co 6:10neque molles neque masculorum concubitores neque fures neque avari neque ebriosi neque maledici neque rapaces regnum Dei possidebunt

1Co 6:11

1Co 6:11et haec quidam fuistis sed abluti estis sed sanctificati estis sed iustificati estis in nomine Domini nostri Iesu Christi et in Spiritu Dei nostri

1Co 6:12

1Co 6:12omnia mihi licent sed non omnia expediunt omnia mihi licent sed ego sub nullius redigar potestate

1Co 6:13

1Co 6:13esca ventri et venter escis Deus autem et hunc et haec destruet corpus autem non fornicationi sed Domino et Dominus corpori

1Co 6:14

1Co 6:14Deus vero et Dominum suscitavit et nos suscitabit per virtutem suam

1Co 6:15

1Co 6:15nescitis quoniam corpora vestra membra Christi sunt tollens ergo membra Christi faciam membra meretricis absit

1Co 6:16

1Co 6:16an nescitis quoniam qui adheret meretrici unum corpus efficitur erunt enim inquit duo in carne una

1Co 6:17

1Co 6:17qui autem adheret Domino unus spiritus est

1Co 6:18

1Co 6:18fugite fornicationem omne peccatum quodcumque fecerit homo extra corpus est qui autem fornicatur in corpus suum peccat

1Co 6:19

1Co 6:19an nescitis quoniam membra vestra templum est Spiritus Sancti qui in vobis est quem habetis a Deo et non estis vestri

1Co 6:20

1Co 6:20empti enim estis pretio magno glorificate et portate Deum in corpore vestro

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.