1 Corinthios (1 Corinthians) 5 :: Latin Vulgate (VUL)

1Co 5:1

1Co 5:1omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat

1Co 5:2

1Co 5:2et vos inflati estis et non magis luctum habuistis ut tollatur de medio vestrum qui hoc opus fecit

1Co 5:3

1Co 5:3ego quidem absens corpore praesens autem spiritu iam iudicavi ut praesens eum qui sic operatus est

1Co 5:4

1Co 5:4in nomine Domini nostri Iesu Christi congregatis vobis et meo spiritu cum virtute Domini Iesu

1Co 5:5

1Co 5:5tradere huiusmodi Satanae in interitum carnis ut spiritus salvus sit in die Domini Iesu

1Co 5:6

1Co 5:6non bona gloriatio vestra nescitis quia modicum fermentum totam massam corrumpit

1Co 5:7

1Co 5:7expurgate vetus fermentum ut sitis nova consparsio sicut estis azymi etenim pascha nostrum immolatus est Christus

1Co 5:8

1Co 5:8itaque epulemur non in fermento veteri neque in fermento malitiae et nequitiae sed in azymis sinceritatis et veritatis

1Co 5:9

1Co 5:9scripsi vobis in epistula ne commisceamini fornicariis

1Co 5:10

1Co 5:10non utique fornicariis huius mundi aut avaris aut rapacibus aut idolis servientibus alioquin debueratis de hoc mundo exisse

1Co 5:11

1Co 5:11nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere

1Co 5:12

1Co 5:12quid enim mihi de his qui foris sunt iudicare nonne de his qui intus sunt vos iudicatis

1Co 5:13

1Co 5:13nam eos qui foris sunt Deus iudicabit auferte malum ex vobis ipsis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.