1 Corinthios (1 Corinthians) 16 :: Latin Vulgate (VUL)

1Co 16:1de collectis autem quae fiunt in sanctos sicut ordinavi ecclesiis Galatiae ita et vos facite

1Co 16:2per unam sabbati unusquisque vestrum apud se ponat recondens quod ei beneplacuerit ut non cum venero tunc collectae fiant

1Co 16:3

1Co 16:3cum autem praesens fuero quos probaveritis per epistulas hos mittam perferre gratiam vestram in Hierusalem

1Co 16:4

1Co 16:4quod si dignum fuerit ut et ego eam mecum ibunt

(cf. Act 19:21 )

1Co 16:5

1Co 16:5veniam autem ad vos cum Macedoniam pertransiero nam Macedoniam pertransibo

1Co 16:6

1Co 16:6apud vos autem forsitan manebo vel etiam hiemabo ut vos me deducatis quocumque iero

1Co 16:7

1Co 16:7nolo enim vos modo in transitu videre spero enim me aliquantum temporis manere apud vos si Dominus permiserit

1Co 16:8

1Co 16:8permanebo autem Ephesi usque ad pentecosten

1Co 16:9

1Co 16:9ostium enim mihi apertum est magnum et evidens et adversarii multi

1Co 16:10

1Co 16:10si autem venerit Timotheus videte ut sine timore sit apud vos opus enim Domini operatur sicut et ego

1Co 16:11

1Co 16:11ne quis ergo illum spernat deducite autem illum in pace ut veniat ad me expecto enim illum cum fratribus

1Co 16:12

1Co 16:12de Apollo autem fratre multum rogavi eum ut veniret ad vos cum fratribus et utique non fuit voluntas ut nunc veniret veniet autem cum ei vacuum fuerit

1Co 16:13

1Co 16:13vigilate state in fide viriliter agite et confortamini

1Co 16:14

1Co 16:14omnia vestra in caritate fiant

1Co 16:15

1Co 16:15obsecro autem vos fratres nostis domum Stephanae et Fortunati quoniam sunt primitiae Achaiae et in ministerium sanctorum ordinaverunt se ipsos

1Co 16:16

1Co 16:16ut et vos subditi sitis eiusmodi et omni cooperanti et laboranti

1Co 16:17

1Co 16:17gaudeo autem in praesentia Stephanae et Fortunati et Achaici quoniam id quod vobis deerat ipsi suppleverunt

1Co 16:18

1Co 16:18refecerunt enim et meum spiritum et vestrum cognoscite ergo qui eiusmodi sunt

1Co 16:19

1Co 16:19salutant vos ecclesiae Asiae salutant vos in Domino multum Aquila et Prisca cum domestica sua ecclesia

1Co 16:20

1Co 16:20salutant vos fratres omnes salutate invicem in osculo sancto

1Co 16:21

1Co 16:21salutatio mea manu Pauli

1Co 16:22

1Co 16:22si quis non amat Dominum Iesum Christum sit anathema maranatha

1Co 16:23

1Co 16:23gratia Domini Iesu vobiscum

1Co 16:24

1Co 16:24caritas mea cum omnibus vobis in Christo Iesu amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.