1 Corinthios (1 Corinthians) 15 (VUL) - notum autem vobis facio fratres

¶

1Co 15:1notum autem vobis facio fratres evangelium quod praedicavi vobis quod et accepistis in quo et statis

1Co 15:2per quod et salvamini qua ratione praedicaverim vobis si tenetis nisi si frustra credidistis

¶

1Co 15:3tradidi enim vobis in primis quod et accepi quoniam Christus mortuus est pro peccatis nostris secundum scripturas

1Co 15:4

1Co 15:4et quia sepultus est et quia resurrexit tertia die secundum scripturas

1Co 15:5

1Co 15:5et quia visus est Cephae et post haec undecim

1Co 15:6

1Co 15:6deinde visus est plus quam quingentis fratribus simul ex quibus multi manent usque adhuc quidam autem dormierunt

1Co 15:7

1Co 15:7deinde visus est Iacobo deinde apostolis omnibus

1Co 15:8

1Co 15:8novissime autem omnium tamquam abortivo visus est et mihi

1Co 15:9

¶

1Co 15:9ego enim sum minimus apostolorum qui non sum dignus vocari apostolus quoniam persecutus sum ecclesiam Dei

1Co 15:10

1Co 15:10gratia autem Dei sum id quod sum et gratia eius in me vacua non fuit sed abundantius illis omnibus laboravi non ego autem sed gratia Dei mecum

1Co 15:11

1Co 15:11sive enim ego sive illi sic praedicamus et sic credidistis

1Co 15:12

¶

1Co 15:12si autem Christus praedicatur quod resurrexit a mortuis quomodo quidam dicunt in vobis quoniam resurrectio mortuorum non est

1Co 15:13

1Co 15:13si autem resurrectio mortuorum non est neque Christus resurrexit

1Co 15:14

1Co 15:14si autem Christus non resurrexit inanis est ergo praedicatio nostra inanis est et fides vestra

1Co 15:15

1Co 15:15invenimur autem et falsi testes Dei quoniam testimonium diximus adversus Deum quod suscitaverit Christum quem non suscitavit si mortui non resurgunt

1Co 15:16

1Co 15:16nam si mortui non resurgunt neque Christus resurrexit

1Co 15:17

1Co 15:17quod si Christus non resurrexit vana est fides vestra adhuc enim estis in peccatis vestris

1Co 15:18

1Co 15:18ergo et qui dormierunt in Christo perierunt

1Co 15:19

1Co 15:19si in hac vita tantum in Christo sperantes sumus miserabiliores sumus omnibus hominibus

1Co 15:20

¶

1Co 15:20nunc autem Christus resurrexit a mortuis primitiae dormientium

1Co 15:21

1Co 15:21quoniam enim per hominem mors et per hominem resurrectio mortuorum

1Co 15:22

1Co 15:22et sicut in Adam omnes moriuntur ita et in Christo omnes vivificabuntur

1Co 15:23

1Co 15:23unusquisque autem in suo ordine primitiae Christus deinde hii qui sunt Christi in adventu eius

1Co 15:24

1Co 15:24deinde finis cum tradiderit regnum Deo et Patri cum evacuaverit omnem principatum et potestatem et virtutem

1Co 15:25

1Co 15:25oportet autem illum regnare donec ponat omnes inimicos sub pedibus eius

1Co 15:26

1Co 15:26novissima autem inimica destruetur mors omnia enim subiecit sub pedibus eius cum autem dicat

1Co 15:27

1Co 15:27omnia subiecta sunt sine dubio praeter eum qui subiecit ei omnia

1Co 15:28

1Co 15:28cum autem subiecta fuerint illi omnia tunc ipse Filius subiectus erit illi qui sibi subiecit omnia ut sit Deus omnia in omnibus

1Co 15:29

¶

1Co 15:29alioquin quid facient qui baptizantur pro mortuis si omnino mortui non resurgunt ut quid et baptizantur pro illis

1Co 15:30

1Co 15:30ut quid et nos periclitamur omni hora

1Co 15:31

1Co 15:31cotidie morior per vestram gloriam fratres quam habeo in Christo Iesu Domino nostro

1Co 15:32

1Co 15:32si secundum hominem ad bestias pugnavi Ephesi quid mihi prodest si mortui non resurgunt manducemus et bibamus cras enim moriemur

1Co 15:33

¶

1Co 15:33nolite seduci corrumpunt mores bonos conloquia mala

1Co 15:34

1Co 15:34evigilate iuste et nolite peccare ignorantiam enim Dei quidam habent ad reverentiam vobis loquor

1Co 15:35

¶

1Co 15:35sed dicet aliquis quomodo resurgunt mortui quali autem corpore veniunt

1Co 15:36

1Co 15:36insipiens tu quod seminas non vivificatur nisi prius moriatur

1Co 15:37

1Co 15:37et quod seminas non corpus quod futurum est seminas sed nudum granum ut puta tritici aut alicuius ceterorum

1Co 15:38

1Co 15:38Deus autem dat illi corpus sicut voluit et unicuique seminum proprium corpus

1Co 15:39

¶

1Co 15:39non omnis caro eadem caro sed alia hominum alia pecorum alia caro volucrum alia autem piscium

1Co 15:40

¶

1Co 15:40et corpora caelestia et corpora terrestria sed alia quidem caelestium gloria alia autem terrestrium

1Co 15:41

1Co 15:41alia claritas solis alia claritas lunae et alia claritas stellarum stella enim ab stella differt in claritate

1Co 15:42

¶

1Co 15:42sic et resurrectio mortuorum seminatur in corruptione surgit in incorruptione

1Co 15:43

1Co 15:43seminatur in ignobilitate surgit in gloria seminatur in infirmitate surgit in virtute

1Co 15:44

1Co 15:44seminatur corpus animale surgit corpus spiritale si est corpus animale est et spiritale sic et scriptum est

1Co 15:45

1Co 15:45factus est primus homo Adam in animam viventem novissimus Adam in spiritum vivificantem

1Co 15:46

¶

1Co 15:46sed non prius quod spiritale est sed quod animale est deinde quod spiritale

1Co 15:47

1Co 15:47primus homo de terra terrenus secundus homo de caelo caelestis

1Co 15:48

1Co 15:48qualis terrenus tales et terreni et qualis caelestis tales et caelestes

1Co 15:49

1Co 15:49igitur sicut portavimus imaginem terreni portemus et imaginem caelestis

1Co 15:50

¶

1Co 15:50hoc autem dico fratres quoniam caro et sanguis regnum Dei possidere non possunt neque corruptio incorruptelam possidebit

1Co 15:51

1Co 15:51ecce mysterium vobis dico omnes quidem resurgemus sed non omnes inmutabimur

1Co 15:52

1Co 15:52in momento in ictu oculi in novissima tuba canet enim et mortui resurgent incorrupti et nos inmutabimur

1Co 15:53

1Co 15:53oportet enim corruptibile hoc induere incorruptelam et mortale hoc induere inmortalitatem

1Co 15:54

1Co 15:54cum autem mortale hoc induerit inmortalitatem tunc fiet sermo qui scriptus est absorta est mors in victoria

1Co 15:55

1Co 15:55ubi est mors victoria tua ubi est mors stimulus tuus

1Co 15:56

1Co 15:56stimulus autem mortis peccatum est virtus vero peccati lex

1Co 15:57

1Co 15:57Deo autem gratias qui dedit nobis victoriam per Dominum nostrum Iesum Christum

1Co 15:58

¶

1Co 15:58itaque fratres mei dilecti stabiles estote et inmobiles abundantes in opere Domini semper scientes quod labor vester non est inanis in Domino

1 Corinthios (1 Corinthians) 15 :: Latin Vulgate (VUL)