Previous Chapter Full Page Full Page Next Chapter

1 Paralipomenon (1 Chronicles) 21 :: Latin Vulgate (VUL)

1Ch 21:1

1Ch 21:1consurrexit autem Satan contra Israhel et incitavit David ut numeraret Israhel

1Ch 21:2

1Ch 21:2dixitque David ad Ioab et ad principes populi ite et numerate Israhel a Bersabee usque Dan et adferte mihi numerum ut sciam

1Ch 21:3

1Ch 21:3responditque Ioab augeat Dominus populum suum centuplum quam sunt nonne domine mi rex omnes servi tui sunt quare hoc quaerit dominus meus quod in peccatum reputetur Israheli

1Ch 21:4

1Ch 21:4sed sermo regis magis praevaluit egressusque est Ioab et circuivit universum Israhel et reversus est Hierusalem

1Ch 21:5

1Ch 21:5deditque David numerum eorum quos circumierat et inventus est omnis Israhel numerus mille milia et centum milia virorum educentium gladium de Iuda autem trecenta septuaginta milia bellatorum

1Ch 21:6

1Ch 21:6nam Levi et Beniamin non numeravit eo quod invitus exsequeretur regis imperium

1Ch 21:7

1Ch 21:7displicuit autem Deo quod iussum erat et percussit Israhel

1Ch 21:8

1Ch 21:8dixitque David ad Deum peccavi nimis ut hoc facerem obsecro aufer iniquitatem servi tui quia insipienter egi

1Ch 21:9

1Ch 21:9et locutus est Dominus ad Gad videntem David dicens

1Ch 21:10

1Ch 21:10vade et loquere ad David et dic haec dicit Dominus trium tibi optionem do unum quod volueris elige et faciam tibi

1Ch 21:11

1Ch 21:11cumque venisset Gad ad David dixit ei haec dicit Dominus elige quod volueris

1Ch 21:12

1Ch 21:12aut tribus annis pestilentiam aut tribus mensibus fugere te hostes tuos et gladium eorum non posse evadere aut tribus diebus gladium Domini et mortem versari in terra et angelum Domini interficere in universis finibus Israhel nunc igitur vide quid respondeam ei qui misit me

1Ch 21:13

1Ch 21:13et dixit David ad Gad ex omni parte me angustiae premunt sed melius mihi est ut incidam in manus Domini quia multae sunt miserationes eius quam in manus hominum

1Ch 21:14

1Ch 21:14misit ergo Dominus pestilentiam in Israhel et ceciderunt de Israhel septuaginta milia virorum

1Ch 21:15

1Ch 21:15misit quoque angelum in Hierusalem ut percuteret eam cumque percuteretur vidit Dominus et misertus est super magnitudinem mali et imperavit angelo qui percutiebat sufficit iam cesset manus tua porro angelus Domini stabat iuxta aream Ornan Iebusei

1Ch 21:16

1Ch 21:16levansque David oculos suos vidit angelum Domini stantem inter terram et caelum et evaginatum gladium in manu eius et versum contra Hierusalem et ceciderunt tam ipse quam maiores natu vestiti ciliciis et proni in terram

1Ch 21:17

1Ch 21:17dixitque David ad Deum nonne ego sum qui iussi ut numeraretur populus ego qui peccavi ego qui malum feci iste grex quid commeruit Domine Deus meus vertatur obsecro manus tua in me et in domum patris mei populus autem tuus non percutiatur

1Ch 21:18

1Ch 21:18angelus autem Domini praecepit Gad ut diceret David et ascenderet extrueretque altare Domino Deo in area Ornan Iebusei

1Ch 21:19

1Ch 21:19ascendit ergo David iuxta sermonem Gad quem locutus fuerat ex nomine Domini

1Ch 21:20

1Ch 21:20porro Ornan cum suspexisset et vidisset angelum quattuorque filii eius cum eo absconderunt se nam eo tempore terebat in area triticum

1Ch 21:21

1Ch 21:21igitur cum venisset David ad Ornan conspexit eum Ornan et processit ei obviam de area et adoravit illum pronus in terram

1Ch 21:22

1Ch 21:22dixitque ei David da mihi locum areae tuae ut aedificem in ea altare Domini ita ut quantum valet argenti accipias et cesset plaga a populo

1Ch 21:23

1Ch 21:23dixit autem Ornan ad David tolle et faciat dominus meus rex quodcumque ei placet sed et boves do in holocaustum et tribulas in ligna et triticum in sacrificium omnia libens praebeo

1Ch 21:24

1Ch 21:24dixitque ei rex David nequaquam ita fiet sed argentum dabo quantum valet neque enim tibi auferre debeo et sic offerre Domino holocausta gratuita

1Ch 21:25

1Ch 21:25dedit ergo David Ornan pro loco siclos auri iustissimi ponderis sescentos

1Ch 21:26

1Ch 21:26et aedificavit ibi altare Domino obtulitque holocausta et pacifica et invocavit Dominum et exaudivit eum in igne de caelo super altare holocausti

1Ch 21:27

1Ch 21:27praecepitque Dominus angelo et convertit gladium suum in vaginam

1Ch 21:28

1Ch 21:28protinus ergo David videns quod exaudisset eum Dominus in area Ornan Iebusei immolavit ibi victimas

1Ch 21:29

1Ch 21:29tabernaculum autem Domini quod fecerat Moses in deserto et altare holocaustorum ea tempestate erat in excelso Gabaon

1Ch 21:30

1Ch 21:30et non praevaluit David ire ad altare ut ibi obsecraret Deum nimio enim fuerat timore perterritus videns gladium angeli Domini
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.