1 Paralipomenon (1 Chronicles) 16 :: Latin Vulgate (VUL)

(2Sa 6:17–19 )

1Ch 16:1adtulerunt igitur arcam Dei et constituerunt eam in medio tabernaculi quod tetenderat ei David et obtulerunt holocausta et pacifica coram Deo

1Ch 16:2

1Ch 16:2cumque conplesset David offerens holocausta et pacifica benedixit populo in nomine Domini

1Ch 16:3

1Ch 16:3et divisit universis per singulos a viro usque ad mulierem tortam panis et partem assae carnis bubulae et frixam oleo similam

1Ch 16:4

1Ch 16:4constituitque coram arca Domini de Levitis qui ministrarent et recordarentur operum eius et glorificarent atque laudarent Dominum Deum Israhel

1Ch 16:5

1Ch 16:5Asaph principem et secundum eius Zacchariam porro Iahihel et Semiramoth et Ieihel et Matthathiam et Eliab et Banaiam et Obededom et Ieihel super organa psalterii et lyras Asaph autem ut cymbalis personaret

1Ch 16:6

1Ch 16:6Banaiam vero et Azihel sacerdotes canere tuba iugiter coram arca foederis Domini

(Psa 96:1–13; 105:1–15; 106:1, 47, 48 )

1Ch 16:7

1Ch 16:7in illo die fecit David principem ad confitendum Domino Asaph et fratres eius

1Ch 16:8

1Ch 16:8confitemini Domino invocate nomen eius notas facite in populis adinventiones illius

1Ch 16:9

1Ch 16:9canite ei et psallite et narrate omnia mirabilia eius

1Ch 16:10

1Ch 16:10laudate nomen sanctum eius laetetur cor quaerentium Dominum

1Ch 16:11

1Ch 16:11quaerite Dominum et virtutem eius quaerite faciem eius semper

1Ch 16:12

1Ch 16:12recordamini mirabilium eius quae fecit signorum illius et iudiciorum oris eius

1Ch 16:13

1Ch 16:13semen Israhel servi eius filii Iacob electi illius

1Ch 16:14

1Ch 16:14ipse Dominus Deus noster in universa terra iudicia eius

1Ch 16:15

1Ch 16:15recordamini in sempiternum pacti eius sermonis quem praecepit in mille generationes

1Ch 16:16

1Ch 16:16quem pepigit cum Abraham et iuramenti illius cum Isaac

1Ch 16:17

1Ch 16:17et constituit illud Iacob in praeceptum et Israhel in pactum sempiternum

1Ch 16:18

1Ch 16:18dicens tibi dabo terram Chanaan funiculum hereditatis vestrae

1Ch 16:19

1Ch 16:19cum essent pauci numero parvi et coloni eius

1Ch 16:20

1Ch 16:20et transierunt de gente in gentem et de regno ad populum alterum

1Ch 16:21

1Ch 16:21non dimisit quemquam calumniari eos sed increpuit pro eis reges

1Ch 16:22

1Ch 16:22nolite tangere christos meos et in prophetis meis nolite malignari

1Ch 16:23

1Ch 16:23canite Domino omnis terra adnuntiate ex die in diem salutare eius

1Ch 16:24

1Ch 16:24narrate in gentibus gloriam eius in cunctis populis mirabilia illius

1Ch 16:25

1Ch 16:25quia magnus Dominus et laudabilis nimis et horribilis super omnes deos

1Ch 16:26

1Ch 16:26omnes enim dii populorum idola Dominus autem caelos fecit

1Ch 16:27

1Ch 16:27confessio et magnificentia coram eo fortitudo et gaudium in loco eius

1Ch 16:28

1Ch 16:28adferte Domino familiae populorum adferte Domino gloriam et imperium

1Ch 16:29

1Ch 16:29date Domino gloriam nomini eius levate sacrificium et venite in conspectu eius et adorate Dominum in decore sancto

1Ch 16:30

1Ch 16:30commoveatur a facie illius omnis terra ipse enim fundavit orbem inmobilem

1Ch 16:31

1Ch 16:31laetentur caeli et exultet terra et dicant in nationibus Dominus regnavit

1Ch 16:32

1Ch 16:32tonet mare et plenitudo eius exultent agri et omnia quae in eis sunt

1Ch 16:33

1Ch 16:33tunc laudabunt ligna saltus coram Domino quia venit iudicare terram

1Ch 16:34

1Ch 16:34confitemini Domino quoniam bonus quoniam in aeternum misericordia eius

1Ch 16:35

1Ch 16:35et dicite salva nos Deus salvator noster et congrega nos et erue de gentibus ut confiteamur nomini sancto tuo et exultemus in carminibus tuis

1Ch 16:36

1Ch 16:36benedictus Dominus Deus Israhel ab aeterno usque in aeternum et dicat omnis populus amen et hymnus Domino

1Ch 16:37

1Ch 16:37dereliquit itaque ibi coram arca foederis Domini Asaph et fratres eius ut ministrarent in conspectu arcae iugiter per singulos dies et vices suas

1Ch 16:38

1Ch 16:38porro Obededom et fratres eius sexaginta octo et Obededom filium Idithun et Osa constituit ianitores

1Ch 16:39

1Ch 16:39Sadoc autem sacerdotem et fratres illius sacerdotes coram tabernaculo Domini in excelso quod erat in Gabaon

1Ch 16:40

1Ch 16:40ut offerrent holocausta Domino super altare holocaustomatis iugiter mane et vespere iuxta omnia quae scripta sunt in lege Domini quam praecepit Israheli

1Ch 16:41

1Ch 16:41et post eum Heman et Idithun et reliquos electos unumquemque vocabulo suo ad confitendum Domino quoniam in aeternum misericordia eius

1Ch 16:42

1Ch 16:42Heman quoque et Idithun canentes tuba et quatientes cymbala et omnia musicorum organa ad canendum Deo filios autem Idithun fecit esse portarios

1Ch 16:43

1Ch 16:43reversusque est omnis populus in domum suam et David ut benediceret etiam domui suae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.